IOSUA 21:4-32

⁴Mari ese e duanaia guna oreana na Kohat ena. Levi taudia, hahelaḡa tauna Aaron vevena, ese hanua gwauta-toi mari amo e abidia, Iuda bona Simeon bona Beniamina iduhudia edia tano lalodiai;

⁵a Kohat ena orea taudia oredia ese hanua gwauta mari amo e abidia, Efraim bona Dan iduhudia bona Manase iduhuna kahana edia tano lalodiai.

⁶Gereson ena orea taudia ese hanua gwauta-toi mari amo e abidia, Isakara bona Asere bona Napatali iduhudia bona Manase iduhuna kahana edia tano lalodiai, Basan ai.

⁷Merari ena orea taudia ese hanua gwauta-rua e abidia, Ruben bona Gad bona Sebulun iduhudia edia tano lalodiai.

⁸Ini hanua, mai edia rei gabudia ida, Israel taudia ese Levi taudia e henidia, mari amo, Iehova ese Mose e haḡania heḡereḡerena.

⁹Iuda iduhuna bona Simeon iduhuna ahudia amo e henidia hanuadia ladadia bini.

¹⁰Levi taudia hahelaḡa tauna Aaron vevena, Kohat oreana ai, mari ese e duanaidia guna taudia,

¹¹edia hanua ta be Kiriat-araba, Anak tamana Araba ena hanua, Iuda ororodia ai, (ladana ta be Heberon), mai ena rei gabudia ida.

¹²Ḡau tamona, hetabira tanodia bona hanua maraḡidia na Kaleb lefune e henia, ena gabu.

¹³A hahelaḡa tauna Aaron vevena e henidia tanodia be hari Heberon mai ena rei gabudia ida, hapadidi taudia edia roho-mauri hanuana ta bunai; bona Libna mai ena rei gabudia ida;

¹⁴bona latiri mai ena rei gabudia ida; bona Estemoa mai ena rei gabudia ida;

¹⁵bona Holon mai ena rei gabudia ida; bona Debiri mai ena rei gabudia ida;

¹⁶bona Ain bona luta bona Bete-semese, mai edia rei gabudia ida. Unu iduhu ruaosi edia amo e abi hanuadia na taurahani-ta.

¹⁷Ma Beniamina iduhuna amo e abi hanuadia be Gibeon bona Geba, mai edia rei gabudia ida;

¹⁸bona Anatoto bona Alamon, mai edia rei gabudia ida: hanua hani.

¹⁹Hahelaḡa tauna Aaron vevena e henidia hanuadia iboudiai a gwauta-toi.

²⁰Kohat oreana taudia oredia, Levi taudia, ese Efraim iduhuna taudia edia amo edia hanua e abidia.

²¹E henidia hanuadia be Sekem mai ena rei gabudia ida, Efraim ororodia ai, hapadidi taudia edia roho-mauri hanuana ta bunai; bona Gesere mai ena rei gabudia ida;

²²bona Kibsaim bona Bete-horono, mai edia rei gabudia ida: hanua hani.

²³Dan iduhuna taudia edia amo e abi hanuadia be Elteke bona Gibeton, mai edia rei gabudia ida;

²⁴bona Aialono bona Gata-rimon, mai edia rei gabudia ida: hanua hani.

²⁵Manase iduhuna kahana taudia edia amo e abi hanuadia be Taanak bona Gata-rimon, mai edia rei gabudia ida: hanua rua.

²⁶Kohat oreana taudia oredia edia hanua iboudiai be gwauta, mai edia rei gabudia ida.

²⁷Gereson oreana taudia, Levi taudia, ese Manase iduhuna kahana taudia edia amo e abi hanuadia be Golan, Basan tanona ai, mai ena rei gabudia ida, hapadidi taudia edia roho-mauri hanuana ta bunai; bona Be-estera, mai ena rei gabudia ida: hanua rua.

²⁸Isakara iduhuna taudia edia amo e abi hanuadia be Kision, mai ena rei gabudia ida; bona Daberata, mai ena rei gabudia ida;

²⁹bona Iaramutu, mai ena rei gabudia ida; bona Enganim, mai ena rei gabudia ida: hanua hani.

³⁰Asere iduhuna taudia edia amo e abi hanuadia be Misala, mai ena rei gabudia ida; bona Abdon, mai ena rei gabudia ida;

³¹bona Helkat, mai ena rei gabudia ida; bona Rehob, mai ena rei gabudia ida: hanua hani.

³²Napatali iduhuna taudia edia amo e abi hanuadia be Kede, Galilea tanona ai, mai ena rei gabudia ida, hapadidi taudia edia roho-mauri hanuana ta bunai; bona Hamoto-doro, mai ena rei gabudia ida; bona Karatan, mai ena rei gabudia ida: hanua toi.