Iosua 1:10-15

¹⁰Lakea e Iosua i taki e huriki a matakari ne Israel i ta maea,

¹¹“Mu dili na mada, mu taki e huriki ri gi kisi puru a maka maki ni kani, a galesi ne ria. Ge lobo a parava ge tolu, si gi tulu poloa a naru e Iordan, si gi bolea ra malala e BAKOVI DAGI a Vure ne hita ge habi ne hita, ga malala ne hita liu.”

¹²Lakea e Iosua i taki a kabu ne Reuben, ne Gad, a kalavana kabu ne Manase i ta maea,

¹³“Mu luhoi kamumu a maka ngava e Moses i taki mua vona pali, i ta maea, ‘E BAKOVI DAGI a Vure ne mua ge habia ne mua a malala iea, mu gu made vona.’

¹⁴Ngane mu bolea pali a tabekena malala ne mua i manga a ngava e Moses i taki. E huriki a ngatavine, a koma, a maka sipsip a bulmakau ne mua ri gi made koea na malala e Moses i habia ne mua, na tabeke mule valai na naru e Iordan. Pali e huriki a nugumaheto ne mua ri gi muga, ri gi tulu poloa a naru, ri gi tagari, ri gi tuhori na vabinga e huriki a viri mua,

¹⁵ge harena na tahuna e BAKOVI DAGI a Vure ne hita, ge habia ne hita a malala, ge made kamumu vona e huriki a viri mua. Muri mu hamule valai na malala e Moses i habi ne mua pali, na tabeke koea ne Iordan na nirikena haro.”