Iosua 15:10-34

¹⁰ma ra langun i vana likun mara Bala ma i mur ra matana taoai tuk tar ta ra luana Seir, ma i bolo tadav ra papar a luana Iearim ta ra papar a labur (Kesalon nam), ma i kuba tadav Bet-Semes, ma i vana pakit Timna;

¹¹ma ra langun i vana rikai upi ra matana labur tuk tar ta ra luana Ekron, ma i vana Sikeron, ma i bolo tadav ra luana Bala, ma i vana rikai aro Iabnel; damana ra ta ia ra mutuai ra langun.

¹²Ma ra ngala na ta ma ra valian ia ra langun ta ra papar a taoai. Go ia ra langun kikil ra tarai Iuda, da kadia lavur apik na tarai.

¹³Ma i ga tul tar ra pakana tai Kaleb natu i Iepune livuan ta ra tarai Iuda, da ra vartuluai kai ra Luluai tadav Iosua, Kiriat-Arba nina ba Kebron, (Arba ia ra tama i Anak).

¹⁴Kaleb i ga korot vue ra utul a natu i Anak tana, Sesai, Akiman ma Talmai, a utul a natu i Anak.

¹⁵Ma i ga vana urama pi na varubu ma ra tarai Debir; ma lua di ga vatang Debir ba Kiriat-Seper.

¹⁶Ma Kaleb i ga biti: Nina ba na ubu Kiriat-Seper ma na uvia pa ia, ina tul tar natugu Aksa tana upi dir a taulai.

¹⁷Ma Otniel natu i Kenas tura i Kaleb i ga uvia pa ia; ma i ga tul tar natuna Aksa tana upi dir a taulai.

¹⁸Ma ba i ga vana pirana, Aksa i ga vo pa ia pi na lul ta gunan na uma tai tamana; ma Aksa i ga irop kan kana as, ma Kaleb i ga tir ia: U mainge ra ava?

¹⁹Ma i ga biti tana: Una tul tar ta vartabar piragu; tago u tar vaki iau ta ra papar Negeb, i boina una tabar iau bula ma ta umana mata na tava. Ma i ga tabar ia ma ta umana mata na tava arama ma ta umana ta ra male bula.

²⁰Go ia ra tiniba kai ra vuna tarai Iuda vardada ma kadia umana apik na tarai.

²¹Ra umana pia na pal kai ra vuna tarai Iuda ta ra papar Negeb ta ra langun aro iat Edom, go diat: Kabsel, Eder, Iagur,

²²Kina, Dimona, Adada,

²³Kedes, Kasor, Itnan,

²⁴Sip, Telem, Bealot,

²⁵Kasor-Kadata, Keriot-Kesron (Kasor nam),

²⁶Amam, Sema, Molada,

²⁷Kasar-Gada, Kesmon, Bet-Pelet,

²⁸Kasar-Sual, Ber-Seba, Bisiotia,

²⁹Bala, Im, Esem,

³⁰Eltolad, Kesil, Korma,

³¹Siklag, Madmana, Sansana,

³²Lebaot, Silkim, Ain, ma Rimon; diat par a ura vinun ma lavuvat na pia na pal ma kadia lavur gunan ik.

³³Ta ra gunan i tamataman: Estaol, Sora, Asna,

³⁴Sanoa, En-Ganim, Tapua, Enam,