IOSUA 14:1-4

¹Israel taudia na Kanaan tanona ai ahudia e abi herevadia bini: hahelaḡa tauna Eleasara bona Iosua Nunu bona Israel iduhudia ikwaradia taudia ese tano e haria.

²Iharina na mari amo, Iehova ese Mose e haḡania heḡereḡerena, iduhu taurahani-ta bona iduhu kahana edia.

³A iduhu rua bona iduhu kahana na Mose ese ahudia e henidia Ioridane sinavaina unukahana ai. Levi iduhuna na ahuna se henia;

⁴a Iosef garana na iduhu rua, Manase iduhuna bona Efraim iduhuna. Levi taudia na tano ta asie henidia, a bae noholai hanuadia mo e henidia, bona rei gabudia, edia ubu-ubu ḡaudia iubulaidia.