32Dixit ergo eis Jesus: Amen, amen dico vobis: non Moyses dedit vobis panem de cælo, sed Pater meus dat vobis panem de cælo verum.
33Panis enim Dei est, qui de cælo descendit, et dat vitam mundo.
34Dixerunt ergo ad eum: Domine, semper da nobis panem hunc.
35Dixit autem eis Jesus: Ego sum panis vitæ: qui venit ad me, non esuriet, et qui credit in me, non sitiet umquam.
36Sed dixi vobis quia et vidistis me, et non creditis.