31Judæi ergo (quoniam parasceve erat) ut non remanerent in cruce corpora sabbato (erat enim magnus dies ille sabbati), rogaverunt Pilatum ut frangerentur eorum crura, et tollerentur.
32Venerunt ergo milites: et primi quidem fregerunt crura, et alterius, qui crucifixus est cum eo.
33Ad Jesum autem cum venissent, ut viderunt eum jam mortuum, non fregerunt ejus crura,
34sed unus militum lancea latus ejus aperuit, et continuo exivit sanguis et aqua.