Ioanes 7:44-51

⁴⁴Edengada tiuangga tiluku ei, be eaba eta idol ibage ga idae ngan ei mao.

⁴⁵Gid paeaeanga toa oa tiluagid mulian ga tila pagid madidnga tenainga ad ga gid Parisi. Ta gid madidnga toa oa tibeta gid bedane, “Ikamado ga gimi aluku ei ta abada ei ga inama mao?”

⁴⁶Ta gid paeaeanga tikeo, “Mugaeai ga inam, eaba eta ikado posanga mambe eaba toa ne mao.”

⁴⁷Ta gid Parisi tikeo, “Madongan? Ele posanga pakakanga ipabuobuo gimi pade?

⁴⁸Gimi agera madidnga eta, mao Parisi eta ilolo matua ngan ei pade, mao madongan?

⁴⁹Be gid ipom toa ne tiuatai ngan apu mao, ta muriai Deo ga ipanas gid.”

⁵⁰Be eaba ede ngan gid ieda Nikodemus toa mugaeai ila pan Iesus, ibeta gid bedane,

⁵¹“Gita leda apu ikeo ga itutui ngan tapanas eaba eta ngan posanga sapaean mao. Manta talongo kemi ele posanga ta taoatai kemi ngan danga saoa ei ikakado, ga kus ta io.”