Text copied!
CopyCompare
AKUS RO NA PALATUNG TANGINANG ANI IESU KARISTO - Ioanes - Ioanes 5

Ioanes 5:6-44

Help us?
Click on verse(s) to share them!
6Au, Iesu kala arai ania, na kala longong ta igenen ke katala malepen a taun lava luai. Na kala sui ia, 鈥淪a, kupo buk ani ku to aro?鈥
7Na igenen ang kala antok ia, 鈥淰olava, napo kovek ta sikei i tak asiang anig taun a laman ang, man ka utautakan. Na man nala pasiang, nanlapo serei e mung i mang matan.鈥
8Na Iesu kala antok ia, 鈥淜u tapasuk na ku sunguk kam pelek na ku pasal.鈥
9Si vuk taun ang palau, igenen ang kala to na kala sunguk le kana pelek na kala pasal. Bil ke kata serei si taun i atailai,
10asukang a mang matan Iudaia kila antok a igenen ang Iesu kata vil ato ia ta, 鈥淜ana kapo taun i atailai. Saupai kapo tubat ua si sunguk ani kam pelek.鈥
11Sikei nia kala antok iria ta, 鈥淚genen vopo vil ato ang anig kata antok iau ta 鈥楰u sunguk le kam pelek na ku pasal.鈥欌
12Au na kila sui ia ta, 鈥淪aka igenen an kata antok ua si sunguk ania na ku pasal?鈥
13Igenen i bil ato ang parik kapa nas ia, using katapo duk i vap na Iesu katala pasal suai nei liuan iria.
14E mung Iesu kanla arai pok ania nei rina i atailai na kala antok ia, 鈥淎rai, kulapo ro pok. Ku kamus vang ta vil ani lau rikek, vei nganing ka togon a mang bil rikek luai ka serei singim.鈥
15Au igenen ang kala pasal na kanla antok ri Iudaia ta Iesu nang kata vil ato ia.
16Au, using a Iesu katapo abis a keve abis ke si taun i atailai, na ri Iudaia kilapo gule selen asi vil akui ania.
17Na kala antok iria, 鈥淢amai kata abis le kabang le tung kana, na nau kapa napo kun abis.鈥
18Si oring suke, ri Iudaia kilapo aunai buk raung ania, using kapo putuk a sausaupai i taun i atailai, sikei, laba ina using kata posong a God ta tamana, asukang ta kilongpo angkonongai ve God.
19Na Iesu kala polpol iria ta mengen asukang ke. 鈥淣apo mengen atutuman imi, nat i God parik kapa angkoai si abis ta bil si kana vubuk akorong, sikei kapo abis a bil ang kata arai ania si tamana. Using sa na tamana kapo abis ia, kana nat kapa kapo kun abis ania.
20Using tamana kapo buk alava kana nat na kala akalit aongos ia ta keve bil ang kapo abis ia. Na ka akalit ia lak ta keve bil lava voiang kapo laba ani keve bil ke, na nami aongos mi taping ania.
21Tamana tak atadut ri vap mat, na ka vil ato iria, na asukang palau kana nat kapa ka kun vil ato ani vap ang kapo buk iria asi kari to.
22Na mang anu, tamana parik kapa kalakala ani mangsikei, roron aongos si kalakala, katala alis kana nat,
23ani ri vap aongos ki mamaila ani kana nat, asukang val kipo mamaila ani tamana. Man a si parik kapa mamaila ani kana nat, parik kapa mamaila ani tamana kapa, voiang kata asok ia ane ke.
24Napo mengen atutuman imi, nia kapo longong kag keve mengen na kapo lomlomon ta vo asok ang anig kalapo togon a to asikei. Parik kapa luk a saupai asi mat, using katala paputuk le si mat ane si to.
25Napo mengen atutuman imi. Ka togon taun ka serei, na kalapo serei, ani ri vap mat, ki longong a kalingana i nat i God, na riria ki longong ia ki teng a to.
26Using tamana kapo tukul bung i to, na katala alis ia si kana nat, ani nia kapa ka tukulai i to.
27Na kala alis a kitmat si kana nat si kana kalakala ani ri vap, using kapo igenen i pukun.
28Mi ago ta taping an. Ka serei a taun ani vap aongos ang kipo matung nei kari keve mopong, ki longong korong a kalingana,
29na ki soung pelek a mopong. Ria kita abis a lau ro, ki tapasuk na ki teng a to, na ria kita abis a lau rikek, ki tapasuk na ki luk a saupai asi mat.
30Nau akorong parik napa angkoai si abis ta bil, sikei napo saupai using a vo asok ang anig. Asukang a kag saupai kapo korong palau, using parik napa vil ia si kag vubuk akorong, sikei using a vo asok ang anig.
31Si man nau napo amalmalangasai tatag, au kag amalmalangasai kapo palau.
32Sikei kapo togon a mang sikei kapo amalmalangasai ta nau napo tutuman, na napo nas ta sa kapo posong ia kapo tutuman.
33Mita asok vap ane si Ioanes na kanla amalangasai animi ta tutuman.
34Tutuman, parik napa lomon alava na amalmalangasai le kuli vunep, sikei napo posong ia animi, ani mi sapang.
35Katapo bil val alimang, kata mangai amalangas animi, na mila uruk tusopo palau si malangas ina.
36Sikei nau napo atogon a akuskus kapo laba soliu a anu ang si Ioanes. Using a abis ang mamai katala alis iau tatana asi kag abis apunuk ania, na kana nalapo teng ia, nambang kapo mengen amalangas ta mamai kata asok iau.
37Na mamai voiang kata asok iau, nia akorong katala amalmalangasai tatag. Nami, parik luai mitapa longong a kalingana vo arai ani nona,
38na kana mengen parik kapa sinong nei vingami, using parik mipa lomlomon ta igenen ang God kata asok ia.
39Mipo uli tataot aro palau ani keve mengen i nei salsalik, using mipo lomon ia ta singina palau mi togon to asikei. Keve mengen i nei salsalik ang nang kipo amalmalangasai palau tatag,
40sikei mipo misag ani me serei singig ani mime luk a to.
41Parik napa ainak ani urmaus le si ri vap,
42sikei napo nas imi. Napo nas ta kana lau i vinga ro na God kapo kovek singimi.
43Nata serei si asan i mamai, na parik mipa ainak suak anig, sikei man a sikei ka serei ta asan ina akorong, au mila ainak ania.
44Mipo uli buk alatun angpokpokai pok animi, sikei parik mipa buk kana alatun a ring sikei a God ke. Au man asukang, mi tav angkoai si lomlomon.

Read Ioanes 5Ioanes 5
Compare Ioanes 5:6-44Ioanes 5:6-44