Text copied!
CopyCompare
Tomunga Hel Heueu Ngana - Ioanes - Ioanes 19

Ioanes 19:21-27

Help us?
Click on verse(s) to share them!
21Ol pe tunginga ana hana mur aria papalauna mur te hele lange ne Pilatus ke te teke, 鈥淚ong ohas ia ke 鈥業uta mur aria naungaala ana non鈥. Pe imem mo teke ohas ia ke pomai koi, 鈥楴on nei hele ke teke i Iuta mur aria naungaala ana non.鈥欌
22Pe ne Pilatus hele, 鈥淯tar nenge e hele ke tehas ia tu ke pomalalom.鈥
23Iok, palinga hel ana hana mur te hero hite Iesus nga manga toto ke het pe te mene nena hengeron mur nenge hot ana pe te heronge nge iri. Pe te mene nena hengeron nenge teu ana pule nenge ana simanga nga ilina ero.
24Pe te hele tele hel nge iri ke te teke, 鈥淣ena hengeron nei lape ta chachia ero. Ta poia hesalanginga e ke henonou hote non tei nenge lape mene ke nena ia.鈥 Poinga nei lohot ke pete tote NeHalang nena helenga nenge masio nga alalaha ke ulolo nenge hele ke teke, 鈥淭e mene lek hengeron mur nenge hot ana pe te heronge nge iri. Pe te poia hesalanginga e nga lek hengeron nenge teu ana ke henonou hote non tei nenge lape mene ke nena ia.鈥 Ke palinga hel ana hana mur te poia poinga nei.
25Iok, Iesus tana pe tana tina pe Maria nenge Klopas nehei pe Maria nenge Maktala, temes rochroi nga manga toto nenge Iesus heon haka ia.
26Pe Iesus nena non nenge mutena tau tote mes pule. Ol pe Iesus naue i pe hele lange tana ke teke, 鈥淓tak o naue i ke pomanga tumia.鈥
27Pe pule Iesus hele lange nena non neu, 鈥淧e iong o naue i ke pomanga tamia.鈥 Ke nga etue neu pengpeng Iesus nena non neu mene he Maria langa nena pele ke nauele i.

Read Ioanes 19Ioanes 19
Compare Ioanes 19:21-27Ioanes 19:21-27