Ioanej 9:26-39

²⁶Irail ap pil idok re a: Da me a wiai on uk? Iaduen a kapad pajan maj om?

²⁷A japen irail: I indai on komail er, a komail jota ron? Da me komail pil men ronki? Komail pil pan a tounpadak ala?

²⁸Irail kaurureki indada: A tounpadak amen koe, a kit tounpadak en Mojej akan.

²⁹Kit aja, me Kot majani on Mojej. A lap o je jaja, waja a ko jan ia.

³⁰Aramaj o japen indan irail: Meid kapuriamui! I me kapad pajan maj ai kat, a komail jaja, waja a koti jan ia.

³¹Kitail aja, me Kot jota kin mani me dipan akan. A meamen, me lan Kot, o dadaurata kupur a, iei me a kin kotin mani.

³²Jan maj kokodo jota me ronadar, me meamen kapad pajan maj en me ipwiki wei majkun.

³³Ma men et jota me ren Kot, a jota pan kak wia meakot.

³⁴Irail japen indan i: Koe me ipwiki wei dip akan a koe ap padaki on kit? Irail ari kajela i.

³⁵Iejuj lao kotin manidar, me re kajela i, a lao majani i, ap kotin majani on i: Koe kin pojon Nain Kot?

³⁶A japen potoan on: Main, ij i pwe i en pojon i?

³⁷Iejuj kotin majani on i: Koe me kilan i. A iet i, me kajokajoi on uk.

³⁸A japen i: Main, i pojonlar, i ari kaudok on i.

³⁹Iejuj kotin majani: I kodon kadeik nan jappa et, pwe me jo kilan waja, en kilanada, a me kilan waja, en majkunla.