Text copied!
CopyCompare
Kadede Kap Pjam Akan - Ioanej - Ioanej 7

Ioanej 7:8-31

Help us?
Click on verse(s) to share them!
8Komail kodalan kamadip et, I jota pan kodalan kamadip et, pwe ai anjau jaikenta leler.
9A kotin majani on irail mepukat, ap kotikotita Kaliläa.
10A ri a ol akan lao jamalar, i ap pil kotidalan kamadip, ap jo janjal a duen me rir.
11Juj akan ari rapaki i ni kamadip o indada: Ari, ia waja a kotikot ia?
12A aramaj akan lokolokaia toto duen i, pwe akai indada: Me mau men. A akai me indada: Kaidin, pwe a kin kaweid japun aramaj.
13Jota me lokaia janjal duen i, pweki ar majak Juj oko.
14Lao lel ailepan kamadip o, Iejuj ap kotin kodalan im en kaudok o kaukaweweda.
15A Juj akan ap puriamui kila indada: Da duen men et aja wewe en kijin likau, pwe a jota ian padakki.
16Iejuj ap kotin japen irail majani: Kaidin ai padak, me I kin kida a en me kadar ia do.
17Meamen wiawia kupur a, pan weweki ai padak, ma a ren Kot, de jan ren pein nai.
18Me kin padapadak jan ni pein i, kin rapaki pein wau i, a me kin rapaki wau en me kadarala i, iei me melel o jota man jued kot pit.
19Kaidin Mojej, me ki on komail kapun o, a jota amen komail kin kapwaiada kapun o? A da me komail rapakiki kame ia la?
20Aramaj oko japen indada: Koe me tanwar en tewil, ij me rapaki kame uk ala?
21Iejuj kotin japen majani on irail: Dok taieu, me I wiadar, a komail puriamui kila.
22Mojej ki on komail er jirkomjaij, a kaidin tapi jan ren Mojej, pwe jan ren jam akan, a komail kin jirkomjaij aramaj ni ran en japat.
23Ari ma aramaj amen ale jirkomjaij ni ran en japat, pwe kapun en Mojej ender japunala, a komail kin juede kin ia, pweki ai kakelailada aramaj pon ni ran en japat?
24Der kadeikada duen pali liki, a komail kajaui nin tiak en kadeik pun.
25Men Ierujalem kai ap inda: Kaidin i, me re raparapaki en kamela?
26A kilan, a padapadak janjal, a re jota man lokaia on i, de muein jaumaj akan ajaer mau, me i Krijtuj?
27Ari, je ajaer, waja men et ko jan ia, a Krijtuj lao kotido jota me pan aja waja, me a pwarado jan ia.
28Iejuj ap kotin kapitie laudeda kawewe nan im en kaudok majani: Komail aja ia o waja I ko jan ia. Ari, kaidin pein nai, me I kokido, a me kadar ia dor, me melel, me komail jaja.
29A I aja i, pwe I kodo jan re a, o i me kadar ia dor.
30Irail ap jon jaikidi i, a jota me jair i, pwe a anjau kaikenta leler,
31Aramaj toto jan nan pokon o pojonla i indada: Iaduen, Krijtuj lao pwarado, a pan wia kilel toto jan mepukat, me men et wiadar?

Read Ioanej 7Ioanej 7
Compare Ioanej 7:8-31Ioanej 7:8-31