Ioanej 3:3-19

³Iejuj kotin japen majani on i: Melel, melel I indai on uk, meamen jo ipwi japal, jota pan kak kilan wein Kot.

⁴Nikodemuj potoan on i: Iaduen aramaj laud pan kak ipwidi? A pan kak pur on nan kaped en in a, ipwidi jan?

⁵Iejuj kotin japen: Melel, melel I indai on uk, meamen jo ipwiki pil o nen, a jota kak pedelon on nan wein Kot!

⁶Me ipwiki uduk, iei uduk, a me ipwiki Nen, iei nen.

⁷Koe der puriamuiki, me I katitiki on uk: Komail en ipwi japal.

⁸An kin pein ipip jili, o koe kin ron nil a, a koe jaja, waja a tapi jan ia o waja a ko on ia; iduen amen amen, me ipwiki Nen.

⁹Nikodemuj japen indai on i: Iaduen mepukat kak wiaui?

¹⁰Iejuj kotin japen majani on i: Jaunpadak en Ijrael amen koe, a koe jaja duen mepukat?

¹¹Melel, melel I indai on uk, me je ajadar, iei me je kin indada, o me je kilaner, iei me je katitiki, a komail jota kin kamelele at kadede.

¹²Ma I katitiki on komail men pa, a komail ap jota kamelele, a iaduen, komail pan kamelele, ma I katitiki on komail men nanlan?

¹³Jota meamen, me kodala nanlan, i eta, me kodido jan nanlan, Nain aramaj, me kin mimieta nanlan.

¹⁴Duen Mojej me kauadar jerpent amen nan jap tan, iduen Nain aramaj pan kakauda.

¹⁵Pwe meamen pojonla i, jota pan lokidokila, a en aneki maur joutuk.

¹⁶Pwe iet duen Kot kotin kupura jappa, me a kotikidoki japwilim a Ieroj, pwe karoj, me pojonla i, ender jalonala, a en aneki maur joutuk.

¹⁷Pwe Kot me kotin porone don jappa japwilim a Ol, kaidin en kadeikada jappa, a pwe jappa en kamauri kila i.

¹⁸Me pojon i, jota pan pakadeikada, a me jo pojon i, iei pakadeikadar, pweki a jota pojon mar en japwilim en Kot ieroj.

¹⁹A iet kadeik o, marain pwara don jappa, a aramaj pok on rotorot mon marain, pweki ar wiawia kan me jued.