Ioanej 3:15-34

¹⁵Pwe meamen pojonla i, jota pan lokidokila, a en aneki maur joutuk.

¹⁶Pwe iet duen Kot kotin kupura jappa, me a kotikidoki japwilim a Ieroj, pwe karoj, me pojonla i, ender jalonala, a en aneki maur joutuk.

¹⁷Pwe Kot me kotin porone don jappa japwilim a Ol, kaidin en kadeikada jappa, a pwe jappa en kamauri kila i.

¹⁸Me pojon i, jota pan pakadeikada, a me jo pojon i, iei pakadeikadar, pweki a jota pojon mar en japwilim en Kot ieroj.

¹⁹A iet kadeik o, marain pwara don jappa, a aramaj pok on rotorot mon marain, pweki ar wiawia kan me jued.

²⁰Pwe amen amen, me wiawia jued, kin kailonki marain, o jota kin pwara don marain, pwe a wiawia kan de janjaleda.

²¹A me wiawia melel, kin ko don marain, pwe a wiawia kan en janjaleda, me re tapi jan ren Kot.

²²Murin mepukat Iejuj o japwilim a tounpadak kan kotilan jap en Iudäa ap kotikot ia wia paptaij.

²³A Ioanej pil wia paptaij Enon koren ion Jalim, aki pil toto mi waja o, irail ari koieila paptaijela.

²⁴Pwe Ioanej jaikenta lokidokilar nan imaten.

²⁵En Ioanej a tounpadak kan o ol en Juj amen ap akamaiki pena duen kamakelekel.

²⁶Irail ari ko don ren Ioanej indan i: Rapi, me kot re omui palilan Iordan, me komui kin kadede, majani, a kin wia paptaij o karoj kin pwarala re a.

²⁷Ioanej japen majani: Aramaj amen jota kak aneki meakot, ma a jo aneki jan nanlan.

²⁸Komail pein kadede kin ia, me i indada: Kaidin Krijtuj nai, pwe nai me pakatarador mo a.

²⁹Me li amen kijin nin on, iei ol kamod. A kompoke pan ol kamod kin u roneron perenki nil en ol kamod; ari, iei ai peren unjokala.

³⁰I en kakairida, a nai en kakairidi.

³¹Me kotido jan poa, i me poedi karoj, a me kijan jappa, iei men jappa, o a kin kajokajoia duen jappa. A me kotido jan nanlan, me poedi karoj,

³²O me a kilanada o ronada, iei me a kin kadedeki, a jota me kamelele a kadede.

³³A me kamelele a kadede, kin kadede, me Kot me melel.

³⁴Pwe i, me Kot kotin poronedor, kin kida en Kot a majan, pwe Kot jota kotikida Nen ki men jon.