Text copied!
CopyCompare
Kadede Kap Pjam Akan - Ioanej - Ioanej 19

Ioanej 19:19-35

Help us?
Click on verse(s) to share them!
19Pilatuj ap pil wiadar intin eu, kakonei on pon lopu o. A iet intin: Iejuj en Najaret, Nanmarki en Juj akan.
20Juj akan me toto, me wadokedi intin wet, pwe waja Iejuj kotin lopuela ia, me jalon kanim o. A intin o wiauier ni lokaia en Ipru o Krik o Latain.
21Ari, jamero lapalap oko potoan on Pilatuj: Der intiniedi: Nanmarki en Juj akan, a me a indada: Nai Nanmarki en Juj akan!
22Pilatuj japen: Me i intiniedier, i eta ai intin.
23Jaunpei ko lao kalopuela Iejuj, rap ale japwilim a likau kan, lepuk pajan, wiakida pakij paieu, pakij eu on amen amen en jaunpei ko o pil japwilim a jakit, me jo deidei pena, a pon ta jan poa lel pa.
24Irail ap kajoi nan pun arail: Kitail ender ter pajan i, a kadoropwaki, me pan aneki, pwe kijin likau en punala, me indinda: Irail nek pajan ai likau kan nan pun ar o kadoropwa ai jakit. Iei me jaunpei ko wiakida mepukat.
25A in en Iejuj u ni tapin lopu en Iejuj, o ri en in a Maria, en Kleopaj a paud, o Maria men Makdala.
26Iejuj lao kotin majani in a o tounpadak men u imp a me a kotin kupura mauki, ap kotin majani on in a: Li, kilan noum ol!
27Ap kotin majani on tounpadak o: Kilan in om! Ari, jan ni auer ota tounpadak o apwali i.
28Iejuj lao kotin manier, me meakaroj nikier, ap kotin majanier: I men nim pilada, pwe kijin likau en punala.
29A kajak mi waja o, me audeki pineka. Irail kaduedi lim eu nan pineka, ki on ni alek apot, kidalan ni jilan i.
30Iejuj lao kotin uraker pineka, ap kotin majani: A nikier. I ari kotin kamotauiedi kadokenmai, kadarala nen e.
31Juj oko ap poeki ren Pilatuj, me nä arail en katipitip pajan o ren wijiki jan, pwe war arail ender lanelan nin lopu ran en japat. Pwe iei ran o ran en kaonop, pwe iei ran en japat o me lapalap.
32Jaunpei ko ap kai on, katip pajan nä en me pali et o en me teio, me ian lopuelar.
33A re lao kai on Iejuj o diaradar, me a matalar, rap jota katip pajan aluwilu a kan.
34A jaunpei men dokoki katieu pot panepan a; madan nta o pil kujekujewei.
35A me udial mepukat, kin kadede o a kadede me melel, o a aja, me a kin kadede, iei me melel, pwe komail en pil pojon.

Read Ioanej 19Ioanej 19
Compare Ioanej 19:19-35Ioanej 19:19-35