Ioanej 11:2-18

²Iei Maria, me keieki potik Kaun o, o limwieki a pwilipeipei aluwilu a, me ri a ol Lajaruj jomaudar.

³Ri a li ko ari kadar won i kaireki won i: Main, kotin mani, me re pok on me jomaudar.

⁴Iejuj lao mani, ap kotin majani: Kaidik jomau en mela eu met, a pweki linan en Kot, pwe Nain Kot en kalinana kila.

⁵Iejuj kotin kupura Marta, o ri a li, o Lajaruj.

⁶A lao kotin manier, me a jomaudar, i ari kotikoteta waja o pon ria pon.

⁷Ap kotin majani on japwilim a tounpadak kan: Kitail pan purelan Iudäa.

⁸Japwilim a tounpadak kan potoan on i: Rapi, Juj oko apton men kajuk ir, a re pan kotin purelan ia?

⁹Iejuj kotin majani: Jo auer eijokriau ni ran eu? Meamen alialu ni ran, jota pan dipikelekel, aki a ninar marain en jappa.

¹⁰A meamen alialu ni pon, a pan dipikelekel, aki marain jota mi re a.

¹¹A kotin kajoiada mepukat, ap majani on irail: Kompoke patail Lajaruj mairelar, a I kokolan kapirida i.

¹²A japwilim a tounpadak kan indan i: Main, ma a mairelar, a pan maureda.

¹³Ari, Iejuj kotin majanieda duen a melar, a irail kiki on, me a majanieda duen a mair en kamol.

¹⁴Iejuj ap janjal majani on irail: Lajaruj melar,

¹⁵A I peren kida, me I jota mi waja o pweki komail, pwe komail en pojonla. Ari, kitail en koko wei re a!

¹⁶Tomaj, me pil ad a Didimuj, ap indai on warok tei kan: Kitail en pil kokola, pwen ian i mela.

¹⁷Iejuj lao kotido, ap kotin diarada, me a mi nan joujou pon pa pon.

¹⁸Petanien me koren ion Ierujalem impan mail riau.