Ioane 9:26-41

²⁶Abo se ribauio ia arinai, si ene, “Ia edoha ena abiabim? Matam edoha ena helahelaladi?”

²⁷I heuioidi, i ene, “Ea heribamiuo, na nige au ataiei: abo au ataataiuioi mo, omi hinage abo ena heaheata eai au lau?”

²⁸To ia se manabaaeaei, si ene, “Oa ena heaheata, na ai ina Mose ena heaheatayao.

²⁹Ai nuatuiyao Eaubada i ribalau Mose arinai: doga me ena aba laoma nige ai ita.”

³⁰Tau wa i heuio isi aridi eai i ene, “Ina ginauri ta nooei ta, ena aba laoma nige aue ita, ia mo matagu i helaladi.

³¹Ta itayao baaea tataodi Eaubada nige i ataiedi: ena tau esau Eaubada i tabaohui, eo gadohina i gadohi, Eaubada ia i ataiei.

³²Tanoubu edi huia hetubuna eai wa, i laoma ina huia ta, tau ma‐matagibugibuna se labasiama nige tau esau matana i helaladi.

³³Taba ina tau ta nige Eaubada arinai i laoma, taba nige ginauri esau abina i ata.”

³⁴Se heuio ia arinai si ene, “Oa baaea boeadi eai se labasim, hinage bena u heatamai wa?” To ia se aiduiei.

³⁵Iesu wasana i ataiei ia se aiduiei; ia abo i lobai, i heriba i ene, “Eaubada Natuna oa u nuatui?”

³⁶I heuio i ene, “Guiau e, ia eai, ia abo ea nuatui?”

³⁷Iesu ia i heriba i ene, “Ia u itayao, eo ia ede maidam ta ribariba.”

³⁸I ene, “Guiau e, abo ea nuatui.” Abo ia i tabaohui.

³⁹Iesu i ene, “Heduhedudurai hesabana ede ea laoma tanoubu eai ta, ena isi nige se itaita, abo se ita; isi hinage se itaita, matadi abo se hegibudi.”

⁴⁰Parisea headi ia maenayao ina riba ta se ataiedi, ia se heriba si ene, “Ai hinage matamai se gibu wa?”

⁴¹Iesu i heribadi i ene, “Taba matamiu se gibu, omi nige ami giru: na au ene, ai matamai se lala, arinai abo ami giru i otahai nuamiu eai.”