IOANE 8:33-48

³³Idia na e haere, eto, Ai na Abraham garana; ai na tau ta isiaina asia lao heni, lasi ona lasi vaitani. Dahaka dainai oi na o tomu “Ba heruha nege”?

³⁴Iesu ese e haere henidia, eto, Momokani vaitani na hamaoromuimu, kara dika taudia na dika ese e guidiamu, bena idia ese dika isiaina e lao henimu.

³⁵Hesiai tauna be ruma ai se noho hanaihanaimu; a ruma tauna natuna hari ruma ai e noho hanaihanaimu.

³⁶Taunabunai, Natuna ese baine ruhamui nege, umui na ba heruha nege momokani.

³⁷Lau mai dibagu umui na Abraham garana; ḡau tamona umui na o uramu bavalagu, badina be egu hereva asio abi daemu.

³⁸Lau ese Tamagu enai na itava ḡaudia na gwaulaimu; umui ese tamamui enai o kamonaiva ḡaudia o karamu.

³⁹Idia ese e haere henia, eto, Ai tamamai be Abraham. Iesu eto, Umui na Abraham natuna o tomu be Abraham ena kara boma kara.

⁴⁰A harihari o uramu bavalagu, hereva momokani Dirava enai na kamonaiva bona na gwaurai henimuimu taugu. Abraham na unu se kara toma.

⁴¹Umui ese tamamui ena kara o karamu. Idia eto Ai na dia ariara natudia; ai Tamamai be tamona, Dirava bunai.

⁴²Iesu n a eto, Tamamui bema Dirava, umui ese lau boma lalokau henigu; badina be Dirava ena amo nama, iniseni ai na nohomu. Lau na sibogu asinama; ia ese e siaigu.

⁴³Edeheto na herevamu negadia ai na lalomui asie pararamu? Badina be egu hereva iabi:daedia na asi dibamui.

⁴⁴Umui na tamamui Diabolo ena amo oma, bona o uramu tamamui ena heḡahusi karadia ba kara. Ia na matamana amo ala-ala tauna, bona hereva momokani se badinaiamu; badina be ia lalona ai hereva momokani na lasi. Ia na hereva koikoidia e gwauraimu, ena kara korikorina bunai; badina be ia na koikoi tauna, bona koikoi idoidiai tamadia.

⁴⁵Umui ese asio kamonai henigumu, badina lau ese hereva momokani na gwauraimu.

⁴⁶Umui daika kara dika egu ai vada e davaria? Hereva momokani na gwauraimu: edeheto asio kamonai henigumu?

⁴⁷Dirava ena amo ema tauna ese Dirava ena hereva e kamonaimu. Umui na asio kamonaimu, badina be Dirava ena amo asioma.

⁴⁸Bena Iuda taudia ese e gwau henia, eto, Emai hereva na dia maoro a, ato oi na Samaria tauna bona lauma dika ese e bolomu?