Ioane 7:31-47

³¹Tatao gamagaridi ia se sunusunumaei, eo si ene, “Keriso i laoma ia heiheinoi gigibori gamagamagaridi i ginauridi, abo nige doha ina tau ta?”

³²Parisea se ataiei, ina ginauri ta Iesu arinai tatao se monunuei; Parisea eo kohena babadadi iala tataodi se hetamaridi ia bena se toai.

³³Iesu abo i ribalau isi aridi eai i ene, “Huia kuukuu eau maemiu, e, abo hinage ea lau tauhetamariguma arinai.

³⁴Abo au eooigu, taba nige au lobaigu; egu aba mia hinage taba nige au laoma arinai.”

³⁵Iudea tataodi isibom abo se hetahetalapili, ie ene, “Ina tau ta abo i lau aidimo, ita abo nige ta lobai? Abo i lau isi se tatagorigori wa aridi eai, Heleni boeadi eai. Heleni abo i heatadi wa?

³⁶Riba sahasaha ina ie ribaei ta, i ene, ‘Abo au eooigu, taba nige au lobaigu: egu aba mia hinage, taba nige au laoma arinai?’”

³⁷Mataasi wa huiana i tauutusi asubena saesaena eai, Iesu ie toro i eogayoga i ene, “Ena tau esau gadona i magu, i laoma arigu eai, abo i nom.

³⁸Ia i sunumaegu doha uriuri eai se ribaeyao, ‘Nuana eai abo goila maumaurina ie didima, doha sagasagadi.’”

³⁹(Na teina i ribaei ta, Earua wa isi se sunusunumaei sora abo se abi; Earua Tabuna sora nige se mosei: paana ede Iesu sora nige se hedebasaei.)

⁴⁰Tatao gamagaridi teina riba ta se ataiei, si ene, “Mamohoi, Peroveta wa ina.”

⁴¹Headi si ene, “Teina Keriso ede.” Na headi si ene, “Keriso Galilaia eai abo i laoma wa?

⁴²Uriuri eai si ribaei Keriso Davida tumana eai se labasi, eo Betelehema eanuana eai abo i laoma, Davida nei eai ie mia, wa?”

⁴³Ia arinai tatao nuadi se labulabui.

⁴⁴Eo headi ia bena se toai; taiede nige tau esau i abilau ia arinai.

⁴⁵Iala tataodi wa abo se uio kohena babadadi eo Parisea aridi eai, isi si ene, “Ie saha nige au woeaiama?”

⁴⁶Iala tataodi se heribadi si ene, “Nige tau esau i riba doha ina tau ta.”

⁴⁷Parisea abo se heribadi si ene, “Omi hinage se boraboraimiu wa?