Text copied!
CopyCompare
Buk Baibel long tokples Motu - IOANE - IOANE 6

IOANE 6:31-43

Help us?
Click on verse(s) to share them!
31Ai senemai ese mana e aniava tano ḡaḡaena ai, buka ai e torea heḡereḡerena, eto, Adia aniani na ia ese guba amo e henidia dobiva.
32Iesu ese e haere henidia, eto, Momokani vaitani na hamaoromuimu, dia Mose ese aniani na guba amo se henimui dobiva; a Tamagu ese aniani guba amo vada e henimui dobimu, aniani korikorina binai.
33Badina be Dirava ena aniani na guba amo vada eme diho, bona mauri na tanobada e heniamu.
34Bena idia ese e noia, eto, Lohiabada e, ina aniani na dina iboudiai ba henimai.
35Iesu eto, Mauri anianina lau binai: dekegu bainema tauna na basine hitolo, bona baine abidadama henigu tauna na basine ranu mase, lasi ona lasi vaitani.
36A na hamaoromui, ani, vada o itagumu to asio abigu daemu.
37Tamagu ese e henigumu taudia iboudiai na dekegu baema; bona dekegu bainema tauna na basina lulua oho, lasi ona lasi vaitani.
38Badina be guba amo vada name diho, dia lauegu ura ikarana, to e siaigu Diravana ena ura ikarana.
39Bona e siaigu Diravana ena ura binai: ibouboudiai ia ese vada e henigu na ta basina reaia, a baina hatoredia isi dina gabena ai.
40Badina be Tamagu ena ura binai: Natuna bae raraia tao bona bae abidadama henia taudia iboudiai ese mauri hanaihanai bae abia, bona lau ese dina gabena ai baina haloredia isi.
41Bena Iuda taudia ese ia e maumauraia, badina be ia eto “Lau na guba amo eme diho anianina”.
42Idia eto, Ina na dia Iesu Iosef a? Tamana sinana asi dibada a? Edeheto ia na e tomamu “Lau na guba amo vada name diho”?
43Iesu ese e haere henidia, eto, Ene na asio maumau toma.

Read IOANE 6IOANE 6
Compare IOANE 6:31-43IOANE 6:31-43