Ioane 2:4-24

⁴Iesu ia i heriba, i ene, “Sine e, saha abo u abi arigu eai? Egu huia sora nige i lagema.”

⁵Sinana tau heaheari i heribadi, i ene, “Ena saha eo saha i heribamiu, au ginauridi.”

⁶We’u ledudi haligigi‐esega se hebawadi, Iudea tataodi edi aba heaa laulauna, lailaidi headi nonoi labui, headi nonoi haiona.

⁷Iesu i heribadi, i ene, “Ledu goila eai au inihemonaudi.” Se inihemonauboriboriridi.

⁸Ia i heribadi, i ene, “Abo au eai, au laei mataasi tanuagana arinai.” Isi abo se laei.

⁹Mataasi tanuagana goila i hemala waina wa i nom‐ita, edi aba eaina nige ie ita, (taupaisoa goila tau eaina mo se ita) mataasi tanuagana tautawasora abo i eogai.

¹⁰I heriba, i ene, “Tatao gamagaridi waina lolona se hegoiauri nonohai: tatao se nomnomdaoi abo waina esau se hegoi, amnana udoi: oa waina lolona u mahihiei, e aboina u hemasaraha ta.”

¹¹Heiheinoi gigiboridi Iesu i hetubumugaiedi Kana Galilaia eai, arinai ia lolona i hemasaraha: ena heaheatayao ia se awamamohoiei.

¹²Wau wa murina eai abo ie dobi Kaperenauma eai ia eo, sinana eo, ena tataoyao eo, ena heaheatayao: nei eai se mia asubena eseesegadi.

¹³Iudea adi pasova i hanahanaumao, Iesu abo ie sae Ierusalema eai.

¹⁴Dubu tabuna alona eai bulumakau eo, mamoe eo, bunebune tauunedi i lobaidi: eo moni tauheduhedududi hinage se bawa.

¹⁵Ia maina gagiridi i abidi pidipidiri i audi abo numa tabuna alona eai i aiduiedi murimuri eai, eo mamoe, eo bulumakau hinage, eo moni‐tauheduhedududi edi moni i hegoigabaedi, eo edi hatahata i ahalabuidi.

¹⁶Bunebune tau uneunedi i heribadi i ene, “Teina ginauri au uioidi: Tamagu ena numa tabu bena au abi i hemala emi aba uneune.”

¹⁷Ena heaheatayao uriuri wa nuadi ie sae, doha si ene, “Em numa nuagigiborina nuagu ie gabu.”

¹⁸Iudea tataodi abo se ribalau ia arinai, si ene, “Heiheinoina saha u heitamai, ina laulau ta u laulauei?”

¹⁹Iesu i heuioidi, i ene, “Numa tabuna ta au lopagorigori, asubena haiona abo ea hetorouioi.”

²⁰Abo Iudea tataodi si ene, “Ina dubu tabuna ta borimai tatao‐labui‐si‐mate‐haligigiesega se ginaginauri: bena asubena haiona mo oa abo u hetoro wa?”

²¹Doha tauna ia ede numa tabunana i ribaei.

²²Huia murina eai, mate eai i torouio, riba wa i heribadi wa ena heaheatayao se henuaisini, eo uriuri tabuna se awamamohoiei, eo riba wa Iesu i ribaei.

²³Pasova mataasina huiana eai, Iesu ie lau Ierusalema, nei eai tatao gamagaridi ia esana se awamamohoiei, paana heiheinoi gamagaridi se itadi;

²⁴na Iesu nuana nige i lauedi, paana ede tatao gamagaridi i nuatulobaidio;