Text copied!
CopyCompare
Meriam Mir Bible - IOANE - IOANE 2

IOANE 2:15-22

Help us?
Click on verse(s) to share them!
15Ege tabara amriklu dirsiri lagerlam ege namuda kau a mamoe adem erkepasam metalam. Ege bakir dorgelera zoromzorom bakir depeki, a iaba laulau epaiti.
16E eudige dakaidari le daratagerda ge dibadiba salemikelare: “Adem bakiaware! Wa nole kari Babira meta ikairare lu arap uteb obai!”
17Abra memegle dikepwarda able mir zogoziawalide detautli, “Kara lag mari metaem, Agud, karidoge urise dikweiredi.”
18Ege Iudaia le aukelarkelar bautmeri, “Nalu Lamarira kelar obakelare kerbi oditomertare mamanali ma umele able lu iker?”
19Iesude iabi daratagerlare, “Able erkepasam meta detkoare, kai koka dewelare neis a netat gergerge.”
20Iudaia legize abi detagerda, “Ki 46 urut aisa able erkepasam meta ki demerda - ma nako ia demer neis a netat gergerge?”
21Agekar mir, Iesude able erkepasam meta detauter pe abra gem dike.
22Keubu e eudlam ikiamda abi memeglera mena abra mir wanagri iabi idonige nalu ia e oditautli, a wi umele wauridli zogoziawali a Iesura mir agekar mir.

Read IOANE 2IOANE 2
Compare IOANE 2:15-22IOANE 2:15-22