Ioane 20:22-29

²²Ie riba ina doha, abo i eahualau isi aridi eai, eo i ribalau aridi eai, i ene, “Earua Tabuna au abi.

²³Eai to eai ena baaea au nuatugabaedi, baaea wa aridi eai se nuatugabaedio; eai to eai ena baaea au ene se otawa, taiede se otawa.”

²⁴Na Toma, saudoudoi labui wa esau, esana Godegode, Iesu ena huia laoma eai wa, ia nige maedi.

²⁵Heaheata headi ia se heriba si ene, “Guiau ai itayao.” Ia abo i ene, “Ena nimana eai poasi gaidi nige ea itadi, eo ena nimagigigu nige ea tore poasi gaidi eai wa, eo ena nimagu nige ea torelaei lisilisina eai, taba nige ea awamamohoiei.”

²⁶Asubena haligigi‐haiona muridi eai ena heaheatayao numa alona eai se bawa Toma hinage maedi: dobila se gududio, Iesu i laoma isi duaduaridi eai i totoro, i ene, “Nuamiu se taru.”

²⁷Ia Toma i heriba, i ene, “Nimagigim u heleleama, eo nimagu u itadi; nimam u heleleama u toreleama lisilisigu eai: tabu nuam i labulabui, u awamamohoiei mo.”

²⁸Toma abo i ribalau i ene, “Egu Guiau eo egu Eaubada!”

²⁹Iesu ia i heriba, i ene, “Toma e, u itagu, arinai u awamamohoiegu, na isi mo nuadi se amna nige se itagu, taiede se awamamohoiei hinage.”