IOANE 20:1-12

¹Pura dinana gini-gunana ai, Maria, hane Magdala, na daba vaburana ai gara ela; bena nadi e itaia, gara amo vada e heabi oho.

²Bena e heau lou ela, Simona Petro bona Iesu ese e lalokau henia hahedibana dekedia ela, eto, Idia ese Lohiabada na gara amo vada e abia oho, edeseni ai vada e atoa na asi dibamai.

³Taunabunai Petro bona hari hahediba ta e raka lasi, gara e heau lao.

⁴Raruosi e heau hekapu, bena hari hahediba ta ese Petro e heautania; ia ese gara eha guna henia.

⁵Bena ia na e igo vareai, dabua aukadia e ita, tano ai e heato; a gara lalonai se raka vareai.

⁶Simona Petro ese e ḡavaia, ela gara lalonai e raka vareai. Bena ia ese dabua aukadia e ita, tano ia e heato;

⁷bona taoele danu, Iesu kwarana e kumilaia ḡauna, na dabua aukadia ida asie heato hebou, a idau gabu ai e heloku.

⁸Bena gara eha guna henia hahedibana na e raka vareai, e ita bona e abi dae.

⁹Badina be idia na buka herevana do asie diba, ia na mase amo baine tore isi lou.

¹⁰Bena hari hahediba na edia ruma e lou heni.

¹¹Maria na gara murimurinai mai taina ida e giniva. E taiva ai, e igo vareai, gara lalonai e itaia.

¹²Bena ia ese aneru rarua mai dabua kurokurodia ida e itadia, Iesu tauna e atoa gabuna ai; ta be aena gabuna ai, ma ta be kwarana gabuna ai, e helaiva.