IOANE 19:1-11

¹Vadaeni Pilato ese Iesu ia abia, bona iena oda dekenai tuari taudia ese Iesu idia dadabaia.

²Bona tuari taudia ese kwara gauna, ginigini dekena amo idia turia, Iesu ena kwarana dekenai idia atoa, bona dabua kakakaka idia atoa iena tauanina dekenai.

³Vadaeni idia raka kahirakahira ia dekenai, idia gwau, “Iuda taudia edia King e, do oi mauri!” Vadaeni edia imana dekena amo idia botaia.

⁴Vadaeni Pilato ma ia raka murimuri dekenai, ia gwau, “Umui itaia, umui emui vairana dekenai lau hakaua murimuri dekenai. Do umui diba, iena kerere ta lau davaria lasi.”

⁵Iesu be ia raka murimuri dekenai, kwara gauna ginigini dekena amo idia turia gauna be iena kwarana dekenai, dabua kakakaka danu iena tauanina dekenai. Vadaeni Pilato ia gwau, “Itaia! Tauna be inai!”

⁶Dubu biagudia bona edia gima taudia ese idia itaia, vadaeni idia boiboi, idia gwau, “Oi hasatauroa! Oi hasatauroa!” Pilato ia gwau, “Umui sibona umui abia, umui hasatauroa. Badina be lau ese iena kerere ta lau davaria lasi.”

⁷Iuda taudia idia haere henia, idia gwau, “Ai be mai emai taravatu, vadaeni aiemai taravatu hegeregerena ia be do ia mase be ia maoro, badina be ia sibona ia gwauraia, ia gwau ia be Dirava ena Natuna.”

⁸Pilato be unai hereva ia kamonai neganai, be ia gari dikadika.

⁹Kota henia gabuna dekenai ma ia raka vareai lou, Iesu ia nanadaia, ia gwau, “Edeseni dekena amo oi mai?” To Iesu be ia haere lasi.

¹⁰Vadaeni Pilato ia gwau, “Lau dekenai oi hereva lasi, a? Oi diba lasi lau be mai siahu oi do lau ruhaia, bona lau be mai siahu oi do lau hasatauroa, a?”

¹¹Iesu ia gwau, “Bema atai dekenai Diravana ese siahu ia henia lasi oi dekenai, oi be siahu lasi danu do oi noho. Unai dainai, lauegu mase dala ia karaia tauna ena dika ese oiemu dika ia hanaia.”