IOANE 13:22-38

²²Hahediba na e heroha heheni, e daradara bada, ia ese daika e gwauraiamu.

²³Ena hahediba ta na Iesu kemena ai e ege diho; ia na Iesu ena lalokau tauna.

²⁴Simona Petro na e hekunumai henia, baine henanadai, e gwauraiamu tauna be daika.

²⁵Bena ia na e mede kerehai, Iesu kemena ai e tabe kau, eto, Lohiabada e, tauna be daika?

²⁶Iesu eto, Aina dau dobi, aniani taina baina henia be ia. Bena aniani taina e abia, vasiahu ai e dau dobi, Iuda Iskariote, Simona natuna, e henia.

²⁷Iuda ese e abia, bena Satana ese e boloa. Bena Iesu ese e hamaoroa, eto, Ba karaia ḡauna na ba karaia haraḡa.

²⁸Aniani ai e ege diho taudia na asi dibadia ia na dahaka dainai unu e hereva toma;

²⁹haida banava eto Iuda ese moni mauana e nariava dainai Iesu ese vada e hamaoroa, aria negana ai bae ani ḡaudia na baine ha hoi, eiava ogoḡami taudia baine harihari henidia.

³⁰Taunabunai, Iuda ese aniani e abia, bena e tore isi, e raka lasi. Hanua vada e boi.

³¹Iuda e raka lasi murinai, Iesu eto, Harihari Taunimanima Natuna eme heatolaia, Dirava danu vada eme heatolaia ia dainai.

³²Dirava na bae heatolaia ia dainai, bona Dirava ese ia baine heatolaia, ina harihari aine heatolaia.

³³Natugu e, egu halokau, nega dia daudau lau umui ida ta nohomu. Umui ese do ba tahugu, a Iuda taudia na hamaorodia heḡereḡerena nato “Bainala gabuna na basiola diba”, umui danu unu na hamaoromui tomamu.

³⁴Haheḡani matamatana name henimui: ba helalokau heheni. Lau ese na lalokau henimuimu heḡereḡerena umui danu ba helalokau heheni.

³⁵Unu amo taunimanima iboudiai bae diba umui na lauegu hahediba: ba helalokau heheni dainai.

³⁶Simona Petro ese e nanadaia, eto, Lohiabada e, ede baola? Iesu eto, Bainala gabuna na harihari murigu amo basiola, e gabeamo vada baola.

³⁷Petro ese ma e nanadaia, eto, Badina be dahaka ina harihari basina ḡavamu diba? Egu mauri na oi daimu ai baina atoa diho.

³⁸Iesu eto, Emu mauri na lau daigu ai bavatoa diho a? Momokani vaitani na hamaoromumu, kokoroku na do basine tai, oi ese hatoi ba ḡoregu.