IOANE 13:2-25

²Aniani negana ai, Diabolo ese Iuda Iskariote, Simona natuna, lalona vada e ania vaitani, Iesu taona do baine torea;

³Iesu danu dibana Tamana ese ḡau idoidiai ia imana ai vada e henia, dibana danu Dirava ena amo vada ema bona Dirava dekena ma bainela.

⁴Bena ia na aniani gabuna amo e tore isi, ena hahedoki e dokia oho, taoele ta e abia, e rioa,

⁵nau auta ai ranu e seia, bena ena hahediba aedia e huri matama, bona taoele e rioa ḡauna amo aedia e dahu kaukau.

⁶Simona Petro dekenai e kau; bena ia ese Iesu e hamaoroa, eto, Lohiabada e, oi na lau aegu ba huri a?

⁷Iesu ese e haere henia, eto, Egu kara binai harihari lalomu se pararamu, a gabeamo lalomu do baine parara.

⁸Petro eto, Aegu na basio huri, lasi vaitani. Iesu ese ma e haere henia, eto, Basinama hurimu, oi na asi ahumu dekegu ai.

⁹Simona Pelro elo, Lohiabada e, dia aegu mo, imagu bona kwaragu danu.

¹⁰Iesu eto, Vada e digu tauna na aena mo baine huri na heḡereḡere; tauna idoinai eme ḡoeva. Umui danu ḡoḡoeva; to dia iboumui ai.

¹¹Badina be ia na taona baine torea tauna vada dibana; una dainai ia eto “Dia iboumui ai ḡoḡoeva”.

¹²Idia aedia e huri vaitani, bena ena hahedoki ma e dokia, e ege diho lou. Bena ia ese e nanadaidia, eto, Vada na karamui karana anina be dibamui a?

¹³Umui ese o gwauraigumu “Hahediba tauna” bona “Lohiabada”. Una be o hereva maoromu, badina be unuheto.

¹⁴Benaini, lau binai emui Lohiabada bona emui hahediba tauna, to aemui name huri, unlui danu aemui do ba hehuri heheni baine namo.

¹⁵Badina be toa ta vada na henimui, lau ese na karamui karana na umui danu ba kara.

¹⁶Momokani vaitani na hamaoromuimu, ḡaukara merona ese biaguna se hereaiamu, bona hesiai tauna ese e siaia tauna se hereaiamu.

¹⁷Ina na boma diba bona boma kara, boma namo.

¹⁸Iboumui ai asina gwauraimuimu; na abidia hidi taudia na dibagu. A Buka Helaḡa ai e torea herevana na do baine momokani; eto, Lau ida a aniani heboumu tauna ese aena geduna amo e lahagu.

¹⁹Harihari ela, do se vara ḡauna na hamaoromui gunamu, bena baine vara negana ai na ba diba, e gwauraia guna tauna na lau.

²⁰Momokani vaitani na hamaoromuimu, egu hesiai tauna e abia daemu tauna ese lau e abigu daemu, bona lau e abigu daemu tauna ese e siaigu Diravana danu e abia daemu.

²¹Iesu unu e gwau toma, bena lalona e hekwarahi, eto, Momokani vaitani na hamaoromuimu, umui ta ese taogu do baine torea.

²²Hahediba na e heroha heheni, e daradara bada, ia ese daika e gwauraiamu.

²³Ena hahediba ta na Iesu kemena ai e ege diho; ia na Iesu ena lalokau tauna.

²⁴Simona Petro na e hekunumai henia, baine henanadai, e gwauraiamu tauna be daika.

²⁵Bena ia na e mede kerehai, Iesu kemena ai e tabe kau, eto, Lohiabada e, tauna be daika?