Iliga꞉felo꞉ 17:27-33

²⁷Henfelo꞉ kaluka꞉sale tambowa꞉yo꞉ Gode e kelelia꞉ga꞉yo꞉, fa꞉la꞉doma꞉ki, kaluwo꞉ a꞉na dimido꞉. A꞉la꞉fo꞉ ko꞉sega, Gode e ni o꞉lia꞉yo꞉ ko꞉na꞉lo꞉ mo꞉a꞉lab.

²⁸Godeya꞉yo꞉ nimo꞉wo꞉ halaido꞉wo꞉ dimia꞉labiki, nio꞉ a꞉na iliki, nanogo꞉ a꞉na dimida꞉lo꞉l. Giasi kalu nolba꞉yo꞉ a꞉la꞉sa꞉sa꞉lo꞉, ‘Nio꞉ Ene so꞉wa ko꞉lo꞉lab.’

²⁹“A꞉la꞉fo꞉ko꞉lo꞉ nio꞉ Godeya꞉ ene so꞉wa ko꞉lo꞉ God e u madali gode, dagiya꞉lo꞉ dimido꞉ o꞉mele a꞉la꞉bo꞉ asula꞉so꞉bo. E kaluwa꞉ asulo꞉wa꞉lo꞉ dimido꞉ golo꞉ o꞉ silbayo꞉ o꞉ngo꞉ma.

³⁰Tamin amio꞉ kaluka꞉isaleyo꞉ babalo꞉ dofo꞉liki dimidabiki, Godeya꞉yo꞉ ka ta꞉fo꞉len ko꞉sega, o꞉go꞉ kaluka꞉isale henefelo꞉ we tambolo꞉ a꞉lab a꞉no꞉ asulo꞉wo꞉ nodoma꞉ki, towo꞉ halaido꞉ sio꞉.

³¹Mo꞉wo꞉ Godeya꞉yo꞉ henfelo꞉ kaluka꞉isalelo꞉ mo꞉walilima꞉no꞉wo꞉ ho꞉len imilig nowo꞉ da꞉fe alifa꞉ ko꞉lo꞉lab. A꞉la꞉fo꞉ko꞉lo꞉ kalu elo꞉ da꞉feyo꞉ a꞉ma꞉yo꞉ mo꞉walilakiyo꞉, digalo꞉ man a꞉na iliki mo꞉walilima꞉ib.”

³²Iyo꞉ kalu sowo꞉ a꞉ma꞉la꞉ dasi a꞉la꞉do꞉ sa꞉lab a꞉no꞉ da꞉dakiyo꞉, nolba꞉yo꞉ Folo꞉ dio꞉ge sio꞉ ko꞉sega nolba꞉yo꞉ “To a꞉no꞉ nio꞉ a꞉da꞉ba꞉no꞉ ko꞉lo꞉ wa꞉ka sama” a꞉la꞉sio꞉.

³³A꞉la꞉ dimida꞉sa꞉ga꞉, Fol e Aleobagus kanisolo꞉ kegea꞉sen hen a꞉no꞉ a꞉na ta꞉fo꞉gane.