Iliga꞉felo꞉ 10:7-13

⁷Ma꞉mula꞉ kaluwa꞉yo꞉ a꞉la꞉sa꞉la꞉sa꞉ga꞉ ha꞉na꞉ga꞉ dotabiki, Konilius eyo꞉ ene nanogdo꞉ dian kalu a꞉la꞉ a꞉la꞉ta꞉ga꞉ ene da꞉la꞉di nowo꞉ elo꞉wa mena꞉ki ho꞉ido꞉.

⁸Konilius elo꞉ dabu a꞉no꞉ imo꞉wo꞉ tambo malolo꞉ mia꞉sa꞉ga꞉, i a꞉no꞉ Yoba amisa꞉na iliga꞉fo꞉.

⁹Ho꞉len no amio꞉ iyo꞉ ha꞉na꞉la꞉ga꞉yo꞉, amisa꞉no꞉ ko꞉na꞉ma fa꞉la꞉doma꞉niki disi dowabikiyo꞉, Bida e Godemo꞉ sa꞉ma꞉ni, a fa꞉sa wa꞉la fa꞉la꞉ ane.

¹⁰E a꞉na siliki, maiyo꞉ alan dowabiki, ma꞉no꞉wo꞉ sofa꞉ki sa꞉la꞉sa꞉ga꞉, iyo꞉ ma꞉no꞉ soda꞉lab amio꞉, e ho꞉le ba꞉ba꞉.

¹¹Eyo꞉ ho꞉le ba꞉dakiyo꞉, Hebeneyo꞉ kolaita꞉sa꞉ga꞉, kelego꞉ nowo꞉ helebeso꞉g alan o꞉ngo꞉ ko꞉lo꞉ migif fa꞉la꞉da꞉in amio꞉ ta꞉lidota꞉ga꞉, ololo to꞉lo꞉lo꞉ ko꞉lo꞉ tindabi ba꞉ba꞉.

¹²Helebeso꞉g us amio꞉ no꞉ ko꞉li ko꞉lilo꞉ a꞉la꞉ta꞉ga꞉ sowa꞉ a꞉la꞉ta꞉ga꞉ o꞉ba꞉ ko꞉li ko꞉lilo꞉, Godeya꞉lo꞉ na꞉so꞉boka꞉ a꞉la꞉likilo꞉ saefa꞉ a꞉no꞉lo꞉ a꞉na delena ba꞉ba꞉.

¹³A꞉no꞉ ba꞉da꞉sa꞉ga꞉yo꞉, to nowo꞉ a꞉la꞉sio꞉, “Bida, ge dasima! No꞉ we yasala꞉sa꞉ga꞉ maiya!”