IKUƆ́ NÌÙBƐ̀ 7:3-12

³Kɛ̀ bɛ̀ n duɔ́ ndɛ̀ɛ̀ tu mɛkùɔ̀ nkpɛrɛ, kuyóú nɛ̀ mɛkùɔ̀ mmɛ̀ɛ̀ dɑ̀ɑ́tí tinɑutì

⁴nɛ̀ yɛceumbɛ̀ nɛ̀ mɛkùɔ̀ mmɛ̀ɛ̀ yɛ̀ dɑ̀ɑ́tí nɛ̀ kutúúkú nɛ̀ yɛɔ̃ kó mɛkùɔ̀ nnɛ̀ yɛceumbɛ̀.

⁵Kɛ̀ dí dɛ̀ nni ntuɔ ndiwũɔ̃tɔ̀nnì ĩ́nkɛ̀. Mɛyɛi nhũtímù kó fɛɔ̃̀fɛ̀ nfɛ.

⁶Ikuɔ́ nìùbɛ̀ cɛ̃́ĩ kɔbɛ bɛɛ̀ mɑ́ɑ̀ bo nɑ kɛ́di dɛ kó imɑɑ. Bɛ̀ mɛ mbɑ́ nkɑri sɔ̃́ntíkoo kó dibòrì kɛ́ ì di, bɛ̀ fɛ̀ nni mpɑ̃mu.

⁷Mɛyɛi nhũtímù nɛ̀ mɛyɛi ncĩ́ɛ̃́mmɛ̀ kó ikuɔ́ dɛmɑ́ɑ̀ ndi, ikuɔ́ nìùtì wèè dɔ̀ɔ̀ dɛ kó ikuɔ́ weè níí yó nte fɛ kó imɑɑ.

⁸Kɛ̀ bɛ̀ n fèútɛ́ fɛɔ̃̀fɛ̀ kɛ tùɔ, nyikuɔ́ nìùtì wèè dɔ̀ɔ̀ dɛ kó ikuɔ́ weè yó nte fɛ kɔ̃̀nkù.

⁹Kɛ̀ bɛ̀ mɛ nni mpɑ̃ tidiitì nti, kɛ tì pũ̀ńnɛ́ yoo kɛ tì fìu nyoo kɛ tì pɛ̃mmú, ikuɔ́ nìùtì wèè dɔ̀ɔ̀ ikuɔ́ weè yó ntì te.

¹⁰Kɛ̀ bɛ̀ mɛ nni mpɑ̃ tidiitì tìì kɔɔrɛnɛ̀ mɛkùɔ̀ nnɛ̀ tìì í mɛ̀ kɔɔrɛnɛ̀ tìì kó dimɑ̀ɑ̀ í pũ̀ńnɛ́ Anɔɔ bí tì totí kɛ̀ dɛ̀ mmɑ̀.

¹¹Ntɛ ikuɔ́ di yó nni n feu mɛ̀ɛ̀ botí iwũɔ̃ mɛtɑummɛ̀ kpɛ́í:

¹²Kòò mɔù dɔ́ kɛ́ n féútɛ́ fɛɔ̃̀fɛ̀ disɑ̃nni kpɛ́í nwèe yíɛ́nɛ̀ yɛkɑ̀tìndɑ̀ yɛ̀ɛ̀ í kɔɔrɛnɛ̀ mutie mùù muuti, bɛ̀ ɑ̃̀ntɛnɛ̀ yɛ̀ɛ̀ cootì mɛkùɔ̀ nnɛ̀ tipɛ̃́mpɛ̃ńtì tìì wɑɑrɛ mɛkùɔ̀ nnɛ̀ muyuo nsɑ̀ɑ̀mù kɛ́ mù kɔɔrɛnɛ̀ mɛkùɔ̀ nkɛ́píítɛ́ kɛ́pṹnnɛ́,