IKUƆ́ NÌÙBƐ̀ 27:3-11

³Onìtì wèè mɔ̀kɛ yɛbie nsipísìdɛ́ kɛ́ntɔ kɛ́tuɔkɛnɛ̀ yɛbie nsipísìkuɔ̀ o díítí bo mɛdítíbii nsipísìnùmmù ndi, bɛ̀ kèétɛ́ ì mɛtɑummɛ̀ tou kpɛ́í.

⁴Kòo nitipòkù nwe o díítí bo mɛdítíbii nsipísìtɑ̃ɑ̃ti ndi.

⁵Kɛ̀ dɛbirɛ ndɛ dɛ̀ɛ̀ mɔ̀kɛ yɛbie nyɛ̀nùmmù kɛ́ntɔ kɛ́tuɔkɛnɛ̀ sipísìdɛ́, kɛ̀ dɛ̀ tu dɛnitidɑɑrɛ ndɛ dɛ díítí mbo mɛdítíbii nsipísìdɛ́, kɛ̀ dɛnitipòrɛ̀ mɛ nni ndɛ ì mbo mɛdítíbii ntɛpíítɛ̀.

⁶Dɛ̀ɛ̀ mɔ̀kɛ otɑ̃̀nkù òmɑ́ɑ̀ kɛ́ntɔ kɛ́tuɔkɛ yɛbie nyɛ̀nùmmù, kɛ̀ dɛnitidɑɑrɛ̀ ndɛ dɛ díítí mbo mɛdítíbii mmɛ̀nùmmù, kɛ̀ dɛnitipòrɛ̀ ndɛ mɛ̀ mbo mɛ̀tɑ̃ɑ̃ti.

⁷Yɛbie nsipísìkuɔ̀ kó difɔ̃nkúò kɔbɛ, kòo nitidɔ̀ù nwe mɛdítíbii ntɛpíítɛ̀ nɛ̀ mɛ̀nùmmù, onitipòkù mɛdítíbii ntɛpíítɛ̀.

⁸Kòo mɔù mɛ ncĩ̀tɛ kɛ í dò nhò bo nɑ kɛ́yietí dɛ kó idíítí, bɛ̀ɛ ò tɔní ikuɔ́ nìùtì borɛ̀, kɛ̀ ikuɔ́ nìùtìi kéétɛ́ o díítí.

⁹Kɛ̀ dɛ̀ mɛ ndò mbɛ̀ m pɑ̃ dɛ̀ tu fɛɔ̃̀fɛ̀ nfɛ bɛ̀ n feu fɛ̀, fɛ̀ tu n kɔfɛ nfɛ.

¹⁰Bɛ̀ bɑ́ɑ́ nɑ kɛ́ fɛ̀ cèètɛnɛ̀ fɛtɛfɛ̀ fɛsɑ̀ɑ̀fɛ̀ yoo fɛsĩ̀nfɛ̀. Kɛ̀ bɛ̀ tùótɛ́ fɛɔ̃̀fɛ̀ bɛ̀ m pɑ̃ fɛ̀ kɛ cèètɛnɛ̀ fɛtɛfɛ̀ idɛ́ ì nɑɑ́ n kpɛyi nyi.

¹¹Kɛ̀ dɛ kó fɛɔ̃̀fɛ̀ mɛ ntu ikuɔ́ yetɛ fɛ̀nfɛ, bɛ̀ɛ fɛ̀ bɛnkɛ ikuɔ́ nìùtì bɑ́ kɛ̀ fɛ̀ tu fɛ̀ɛ̀ botí,