IKUƆ́ NÌÙBƐ̀ 27:1-5

¹Kɛ̀ ti Yiɛ̀ nKuyie mbɛ́innɛ̀ Mɔyiisi kɛ dɔ̀:

²Nɑ́kɛ́ Isidɑyɛɛribɛ kɛ tú n yɛ̃ nkòò mɔù dɔ́ kɛ́dɛitɛ dinùù ò n dɔúnnɛ̀ dì, kòò n dɔúnnɛ̀ dinùù kɛ bennɛ́ nɛ̀ onìtì nwe.

³Onìtì wèè mɔ̀kɛ yɛbie nsipísìdɛ́ kɛ́ntɔ kɛ́tuɔkɛnɛ̀ yɛbie nsipísìkuɔ̀ o díítí bo mɛdítíbii nsipísìnùmmù ndi, bɛ̀ kèétɛ́ ì mɛtɑummɛ̀ tou kpɛ́í.

⁴Kòo nitipòkù nwe o díítí bo mɛdítíbii nsipísìtɑ̃ɑ̃ti ndi.

⁵Kɛ̀ dɛbirɛ ndɛ dɛ̀ɛ̀ mɔ̀kɛ yɛbie nyɛ̀nùmmù kɛ́ntɔ kɛ́tuɔkɛnɛ̀ sipísìdɛ́, kɛ̀ dɛ̀ tu dɛnitidɑɑrɛ ndɛ dɛ díítí mbo mɛdítíbii nsipísìdɛ́, kɛ̀ dɛnitipòrɛ̀ mɛ nni ndɛ ì mbo mɛdítíbii ntɛpíítɛ̀.