IKUƆ́ NÌÙBƐ̀ 25:4-8

⁴Dibenni yiénnì miɛkɛ kɛtenkɛ̀ kó diom̀pùbenni ndi, di bɑ́ɑ́ buɔtí, di mɛ mbɑ́ɑ́ píe nfínyĩ̀ kó dɛtie. Dɛ̀ yó ntú n kó disɑ̃nni ndi.

⁵Kɛ̀ tididenti yɛ̀ di bɑ́ɑ́ tì dɛ̀itɛ, bɑ́ nɛ̀ di í mɛ mpíemmɛ̀ di tie nkɛ̀ dɛ̀ pɛitɛ́, di bɑ́ɑ́ tɔ̃ũ dɛ bɛ, kɛtenkɛ̀ om̀pùbenni ndi.

⁶Dí nyo ntididenti díndi nɛ̀ di kó tidɑɑtì nɛ̀ di kó bɛtɔ̃mbɛ̀ nɛ̀ bɛpɔ̀ɔ̀bɛ̀ bɛ̀ɛ̀ di bonɛ̀.

⁷Nɛ̀ dɛ kó tidiitì miɛkɛ nkɛ di wũɔ̃ yóó pɛ́tɛ́mɛ̀ kɛ́di nɛ̀ dihɛì kó tiwɑnwɑntì timɔu.

⁸Di níí kɑɑ̀ nyɛbie nyɛ̀yiekɛ̀ yɛ̀yiekɛ̀ kucɛ mɛ̀yiekɛ̀. Dɛ kó yɛbie nyó mbo yɛbie nsipísìnɑ̀ɑ̀ nɛ̀ yɛ̀wɛi ndi.