IKUƆ́ NÌÙBƐ̀ 25:39-48

³⁹Kòò mɔù kou tɑ mɛsémmɛ̀ miɛkɛ kɛ tɛ̃́nkɛ í mɔkɛ mùmɑmù, kɛ fìtɛ́nɛ̀ omɑ́ɑ̀ otɔù kɛ bo mpĩ́ nho tɔ̃mmú, wèè ò dontɛ́ ò bɑ́ɑ́ ò pĩ̀ńnɛ́ mudɑɑtɔ̃mmú.

⁴⁰Wè nhò bonɛ̀ kɛ dònnɛ̀ o kóo tɔ̃ntì yoo wèè kɔ̀tɛní kɛ ò tɑɑ̀nɛ̀. Wè nhò pĩ̀ńnɛ̀ mutɔ̃mmú kɛ̀ tidɑɑtì fĩ́ĩmmù benni yɑ̀ɑ tuɔkɛnní.

⁴¹Kɛ̀ tidɑɑtì fĩ́ĩmmù benni tùɔ̀kɛní, wèe kò nwenwe nɛ̀ o bí o kɔbɛ borɛ̀, kɛ́kɑri o yɛmbɛ̀ tenkɛ̀.

⁴²Di tú n kó bɛtɔ̃mbɛ̀ mbɛ, kɛ̀ n di dènnɛní Esibiti, òmɔù bɑ́ɑ́ fítɛ́ omɑ́ɑ̀ bɛ̀ ɔ̃ɔ̃ fítɛ́mɛ̀ kudɑɑkù.

⁴³Di miɛkɛ òmɔù bɑ́ɑ́ dɔɔ̀nɛ̀ otɔù muwɛ̃rímú. Mí ndi Yiɛ̀ nKuyie mmíì di te, di nni ndé!

⁴⁴Di kó tidɑɑtì tinitidɑɑtì nɛ̀ tinitipòtì tì yóó yɛ̀nní yɛhɛkɛ̀ yɛ̀ɛ̀ di fitɛ́ yɛ̀nyɛ. Di yó mbɛ ndonnɛ̀ tidɑɑtì.

⁴⁵Bɛpɔ̀ɔ̀bɛ̀ bɛ̀ɛ̀ kɔ̀tɛní kɛ di bonɛ̀, di bo nɑ kɛ níí dontɛ́ bɛ bí, yoo bɛ̀ɛ̀ do di bonɛ̀ nɛ̀ dimɔ̀nnì bɛ yɑɑ̀bí. Bɛ̀ bɛ̀ pɛitɛ́ di tenkɛ̀ nkɛ díì bɛ̀ te.

⁴⁶Di bo kú kɛ́yóu dɛ̀ di bí iì dò nkɛ́ dɛ̀ tùótɛ́, kɛ̀ bɛmbɛ ntú di kó tidɑɑtì sɑ̃́ɑ̃̀. Kɛ̀ di tebìí Isidɑyɛɛribɛ tɔbɛ̀, òmɔù bɑ́ɑ́ dɔɔ̀nɛ̀ otɔù muwɛ̃rímú.

⁴⁷Kɛ̀ dɛ̀ mɛ ndò mbɛpɔ̀ɔ̀bɛ̀ yoo bɛ̀ɛ̀ kɔ̀tɛnɛ̀ kɛ di bonɛ̀ bɛ kóò mɔù mɔ̀kɛ idíítí, kɛ̀ di tebitɛ mɑtɛ̀ ò mɔ̀kɛnɛ̀ dibɑ̀nnì, koò fìtɛ́nɛ̀ tɛmɑ́ɑ̀ yoo bɑ́ kɛ̀ bɛpɔ̀ɔ̀bɛ̀ kó dɛyɑɑ̀birɛ mɑrɛ̀ ndɛ tɛ̀ fìtɛ́nɛ̀mɛ̀ tɛmɑ́ɑ̀.

⁴⁸Di mɔkɛmu kucɛ kɛ bo nɑ kɛ́wɛ̃tɛ kɛ́dontɛ́ di tebitɛ, di kou mɔù bo nɑ kɛ́wɛ̃tɛ kɛ́dontɛ́ di tebitɛ.