Text copied!
CopyCompare
Bibiri Kuyie Nnɑ́ɑǹtì Pɑ́tíri - IKUƆ́ NÌÙBƐ̀ - IKUƆ́ NÌÙBƐ̀ 21

IKUƆ́ NÌÙBƐ̀ 21:12-20

Help us?
Click on verse(s) to share them!
12Ò bɑ́ɑ́ yɛ̀ mɛtɑummɛ̀ tou, ò yɑ̀ɑ̀ bo dì sĩ̀nkùnnɛ mɛ̀ɛ̀ kpɛ́í. Bɛ̀ ò còú mmɛkùɔ̀ mmɛ koò cɑ̃̀ńnɛ́ mí nKuyie n kpɛ́í. Míì tu di Yiɛ̀ nKuyie.
13Wèe puokɛ osɑpɑ̀ɑ̀ nwèè mu nyí yɛ̃́ onitidɔ̀ù.
14Ò bɑ́ɑ́ puokɛ okúpokù yoo wèè yenkɛ kɛ yentɛ́ yoo wèè dɔuti dɔutinɛ̀ bɛnitidɑɑbɛ̀ kɛ cɑ̀kɛ omɑ́ɑ̀. Ikuɔ́ nìùbɛ̀ botí miɛkɛ nkɛ ò dò nkɛ́tɑ̃ɑ̃tɛ́mɛ̀ osɑpɑ̀ɑ̀ nwèè mu nyí yɛ̃́ onitidɔ̀ù, kɛ́puokɛ.
15Ò yɑ̀ɑ̀ bo sĩ̀nkùnnɛ o fuku. Mí ndi Yiɛ̀ nKuyie mmíì ò cɑ̃̀ńnɛ́.
16Kɛ̀ ti Yiɛ̀ nKuyie nyíɛ́ kɛ́nɑ́kɛ́ Mɔyiisi kɛ dɔ̀:
17Nɑ́kɛ́ Anɔɔ kɛ tú n yɛ̃ nnɛ̀ bɛ̀ bo mbomɛ̀ nɛ̀ bɛ yɑɑ̀bío ikuɔ́ nìùtì wèè mɔ̀kɛ kuyɛ̀nkù ó bɑ́ n féútɛ́ fɛɔ̃̀fɛ̀ yoo ò m pɑ̃ tidiitì.
18Kòò mɔ̀kɛ kuyɛ̀nkù bɑ́ kùù botí ò bɑ́ɑ́ nɑ kɛ́pĩ́ ndɛ kó mutɔ̃mmú, kòò tu kuyũ̀ɔ̃̀nkù yoo dikpɛ̃nnì yoo dɛ̀mɑrɛ̀ yetɛ́ o ììkɛ̀.
19Kòo tɑ̀ɑ̀ku kuù mɛ nkèétɛ́ yoo o bɑkù.
20Kòò tu tɛhùtɛ̀ yiɛ̀, yoo ò dò ndɛcĩ̀ĩ̀rɛ̀ yoo ò ɑ̃ dinɔmpénnì yoo mɛkpɑ̃̀ɑ̃̀, yoo tɛwũɔ̃tɛ̀ mɑtɛ̀ ɑ̃ o kɔ̃̀ntì yoo o tɑkuò mpɔ̀ntɛ.

Read IKUƆ́ NÌÙBƐ̀ 21IKUƆ́ NÌÙBƐ̀ 21
Compare IKUƆ́ NÌÙBƐ̀ 21:12-20IKUƆ́ NÌÙBƐ̀ 21:12-20