Text copied!
CopyCompare
Bibiri Kuyie Nnɑ́ɑǹtì Pɑ́tíri - IKUƆ́ NÌÙBƐ̀ - IKUƆ́ NÌÙBƐ̀ 11

IKUƆ́ NÌÙBƐ̀ 11:4-13

Help us?
Click on verse(s) to share them!
4iwũɔ̃ yoo tiwɑnwɑntì dɛ̀ɛ̀ mɔ̀kɛ yɛkpɛ̀ɛ̀tɛ̀ kɛ dùkii. Ntɛ di yó nci dɛ̀: Di bɑ́ nyo nyòyó bɑ́ nɛ̀ ò mɛ ndukiimɛ̀ o kpɛ̀ɛ̀tɛ̀ í yɑ̀tɛ.
5Di bɑ́ nyo ndisetiri bɑ́ nɛ̀ di mɛ ndukiimɛ̀ dì í mɔkɛ yɛkpɛ̀ɛ̀tɛ̀.
6Di bɑ́ nyo ntɛhòntɛ̀ bɑ́ nɛ̀ tɛ̀ mɛ ndukiimɛ̀ tɛ í mɔkɛ yɛkpɛ̀ɛ̀tɛ̀.
7Di bɑ́ nyo ndifɔ̃̀nkɛ̀rì bɑ́ di mɛ mmɔkɛmɛ̀ yɛkpɛ̀ɛ̀tɛ̀ kɛ̀ yɛ̀ yɑ̀tɛ, dì í dukii, ikuɔ́ dɛ̀ yetɛmu.
8Di bɑ́ ndɛ̀ yo nkɛ̀ dɛ̀ mɛ nku di bɑ́ɑ́ dɛ̀ kɑ̀ɑ́kɛ́, ikuɔ́ dɛ̀ yetɛmu.
9Ntɛ tiwɑnwɑntì mɛniɛ mmiɛkɛ kpɛti di bo nyo ntì: Siyĩĩ sìì kó dimɑ̀ɑ̀ mɔ̀kɛ icietí nɛ̀ yɛyíɛ́kɛ̀ kɛ̀ sì bo mɛniɛ mmiɛkɛ, dɑ̀mɛ́ɛ̀rì yoo ikó mmiɛkɛ di bo nɑ kɛ́ nsì yo.
10Sìì mɛ nyí mɔkɛ icietí nɛ̀ yɛyíɛ́kɛ̀ kɛ bo dɑmɛ́ɛ̀rì miɛkɛ yoo ikó mmiɛkɛ, nɛ̀ dɛsĩ́ntɛ́kpɛrɛ mɛniɛ mmiɛkɛ kpɛrɛ, di bɑ́ ndɛ̀ yo ikuɔ́ dɛ̀ yetɛmu.
11Di bɑ́ ndɛ̀ yo nkɛ̀ dɛ̀ mɛ nku di bɑ́ɑ́ dɛ̀ kɑ̀ɑ́kɛ́, ikuɔ́ dɛ̀ yetɛmu.
12Tiwɑnwɑntì tìì kó dimɑ̀ɑ̀ bo mɛniɛ mmiɛkɛ kɛ í mɔkɛ icietí nɛ̀ yɛyíɛ́kɛ̀ ikuɔ́ dɛ̀ yetɛmu.
13Sinɔɔ miɛkɛ, ntɛ di yó nci sì, di bɑ́ nsì yo ikuɔ́ dɛ̀ yetɛmu: Kumɑncònkù nɛ̀ ditúsɔ̀ù nɛ̀ dɑ̀mɛ́ɛ̀rì kó fɛtúúfɛ̀.

Read IKUƆ́ NÌÙBƐ̀ 11IKUƆ́ NÌÙBƐ̀ 11
Compare IKUƆ́ NÌÙBƐ̀ 11:4-13IKUƆ́ NÌÙBƐ̀ 11:4-13