Ihi 48:5-12

⁵uru vi vatukara tave, vika voqamake aatu itaimanta qaqirake ururante kantama vuara.

⁶Vika vi vatukara tavaavaro aiqu kauqu ntiri ntiri i vaimanta, nahentivano vainti vatareva iharo antura ntintemake, vika qeteha oi aai ti variara.

⁷Aaronavano utiharo Taasisihainaa votunavu qoraiqama kaintema kera, are vi entara vika vehi autu taiqa kaanara.

⁸Tota tenavu Kotira vatuka kia tavaraiti, aatoqihai irunarave. Ho vate tenavu tentanavu tivuqohai tavauro. Noravano Kotiva ekaa kempuka vataava i vatukara, vi vatukaraqaa Kotiva ekaa enta koqema kero maimaraara raqikiqiro vuanaro.

⁹Mpo Kotio, tenavu ai Naavuqi vaiha are tinavu kia qaqira kaararo ai muntukavano tinavuara vaira, virara tenavu aatoqi iriqi viha vauro.

¹⁰Ekaa vo vatanaa vo vatanaaka ai autu tuaheraqi vi variarave. Are vaiinti nahentiqaa avuqavuqama kehara raqiki varianarara ti, ekaa naato vatanaaka ai nora autuara ho iriarave.

¹¹Are mintimakera raqiki varianarara ti, ekaa vaiinti nahenti Saioni Aiqinaqaa variakave, ekaa Iutaini variakave, vika vika muntukaqihai quaheha variara.

¹²Kaiqenavu Saioni vatukaqi niha vaantaavuraqaa vo tauaa vo tauaa kaara ntuvake tavaare.