6Mee Saiprusɨn mɨghsɨmanɨ itirɨ uŋuimbagha arua gua Pafosɨnɨ uŋuun oto. Mee Judarira atomtorir gumaghan mavɨ oto. A khorua amua kamaghɨusue, “Khɨɨ, Gotɨn ambuuŋn gumagh.” Aŋni izɨɨ Bar Iesus.
7A Sergius Paulus, gavmanɨn gumaghan aphanan phorugha iti. Sergius Paulus, a nɨghɨnɨsir aghuire iti gumagh. Uthughun khavɨn a Gotɨna akamam mbaraghaousuava, kamagha amuigha a Pol ri Barnabasɨn dɨɨsima aniiŋ ze.
8Mee atomtorir gumaghan khav Grighiiŋna akam mee izɨɨn khavɨn aŋga athɨ Elimasɨn, aŋm mbɨnɨɨŋ atomtorir gumagh. Mauthughura Elimas, a gavmanɨn gumagh Sergiusɨn Paulus, a Iesus nɨghɨnɨghana aghavaghar aŋn ikhan a iphɨrphɨri. Kamagha amuisi, a Barnabas ri Solɨni iŋaar iphasava aŋ ramuamɨusua.
9Sol, aŋni izɨɨn mav Pol, Gotɨnɨ Utum aŋgi izɨvasima, a rɨkɨrava Elimasɨn garava kamaghɨm mbɨŋgeeghi, “Nɨɨ Satanɨn otar. Nɨɨ othevir aghuuira aphanaŋga amui thav. Kamagha amuigha khoru amuir othevi rako othevir maghatɨsi bar nɨɨn izɨva. Ara nɨɨ theeghɨnamɨusua Ikhɨvan othevir aghuuira afharavasi? Nɨɨti othevir maghatɨsi thamɨraghan nɨghɨnɨsi?