Text copied!
CopyCompare
GODE EA SIA: IDA:IWANE GALA - Idisu - Idisu 23

Idisu 23:15-21

Help us?
Click on verse(s) to share them!
15Ba:ila:me da Ba:ila:gema amane sia:i, “Goeguda: dia gobei iasu gadenene leloma. Amola na da ga (south) asili, Gode gousa:mu.”
16Hina Gode da Ba:ila:mema misini, ea sia:mu liligi ema olelei. E da amo Ba:ila:gema olelema:ne, bu asunasi.
17Amaiba:le, Ba:ila:me da buhagili, Ba:ila:ge amola Moua:be ouligisu dunu, ea gobei iasu gadenene lelebe ba:i. Ba:ila:ge da Hina Gode Ea sia:ne iasu amo ema adole ba:i.
18Amalalu, Ba:ila:me da ea ba:la:lusu amane sia:i, “Ba:ila:ge, Sibo ea mano! Misa! Na sia: nabima!
19Osobo bagade dunu da ogogosu dawa:. Be Gode da ogogosu hamedafa dawa. Osobo bagade dunu da ilia asigi dawa:su hedolo afadenesa. Be Gode da agoai hame dawa:. Gode da Ea ilegei sia: amo huluane hamosa. E da sia:sea, Ea sia:i liligi da hamoi dagoi ba:sa.
20E da nama hahawane dogolegele sia: fawane sia:ma:ne sia:i. Amo Gode da hahawane dogolegele aligima:ne sia:sea, na da amo sia: bu afadenemu hame dawa:.
21Na da agoane ba:sa. Isala:ili fi ilia hobea misunu hou amo ganodini da se nabasu amola bidi hamosu hame ba:mu. Bai Hina Gode, ilia Gode, da ili esala. E da ilia Hina Bagadedafa, ilia da amane wele sisia:sa.

Read Idisu 23Idisu 23
Compare Idisu 23:15-21Idisu 23:15-21