Iba Gana 78:9-14

⁹Bamba Eberaimi hameigini tigua danda timu yandarerume wai hongo howa bule pialu hearia baya handala ibida piai hene.

¹⁰Ngode Datagaliwabehanda habo nalolene bi lowinigo tigua habo lalu ibunaga bi mana bulene winirubi talialu bia nabi hene.

¹¹Ibugua tininaga deniore howa mbirale biyaru damenebi agalime nabiagane ale biyaru bibahendebi tigua embeda hai heneya.

¹²Tinaga mamaliru Iyibi dindiha dindi emene mbira mini Soana wiagoria heagola ti de hendeaore dege Ngode Datagaliwabehanda agalime nabiagane ale dewa biniya.

¹³Ibugua iba solowara timbuni bereago mo bira li ni bilowa Isaraele wali agaliru dombeni haru pene. Iba bira li ni biyagola iba ibuni bira amu nana bialu pabe ale hene.

¹⁴Horombe ibuni hari beraliba mbiraha howa ti haru bamba halu mbiraga ibuni ira hungu mbiraha howa ti haru halu pu bamba haga biniya.