8Tigua ani bu kagoyu tini nahende kaore mo ko holene abale íbu ngelabe. Gono i̱ delo wiyadagoha tini da aribia helabe. I̱ uli pelo gundu uli tombo wiyadagoha tini uli pelo hameledo.
9Anduane Homogo í̠na anidagua beregola i̱ turu timbuni ho holebero. Í̠na i̱ pele ngeregola i̱naga bu miniha dungulo holebero.
10I̱na Anduane Homogohondo ka̱i̱ lalu, Anduane Homogo-o í̠ ale mende ai kabe. Í̠na wali agali yagibano karu biamogo bialu agali hongohe karunaga giha howa biamogo bialu mo wirili. Agali homogo hongohe karume yagibano karu mo ko holilono í̠na pele mialu mamage ho harili.