4Agali uruni tigua i̱ bo wahole kagola í̠na ti bope halu mo taga habe. Tigua i̱ bo waholenaga wai hanalu kago í̠na agali uruni talima pialu mo luluya habe.
5Anduane Homogo-o í̠naga dahuliyalime agali ko uruni bo talia togolalu puyabume datani pulo waharadagua bilabe.
6Í̠naga dahuliyalime ti bama talima pialu kagola agali ko biagarunaga hariga poragoria aruma helalu mo ko habelo hameledo.
7I̱na ti mo ko naheore hewaria tigua i̱ gonoha delo gono wia do ho kagoni. I̱ pilo ngelo gundu uli tombo wiaho ka.
8Tigua ani bu kagoyu tini nahende kaore mo ko holene abale íbu ngelabe. Gono i̱ delo wiyadagoha tini da aribia helabe. I̱ uli pelo gundu uli tombo wiyadagoha tini uli pelo hameledo.
9Anduane Homogo í̠na anidagua beregola i̱ turu timbuni ho holebero. Í̠na i̱ pele ngeregola i̱naga bu miniha dungulo holebero.
Iba Gana 35
Iba Gana 35:4-9