Iba Gana 35:21-24

²¹Tigua i̱hondo bi hongo howa ladagadaga bialu lalu, Heneneore í̠na ko birigo ina handarima, lalu haga ka.

²²Anduane Homogo-o tigua ani biyaruni í̠ de handarigo í̠na bi nale nahabe. Anduane Homogo í̠na i̱ helalu kaundiaha nahabe laro.

²³Anduane Homogo-o í̠ore abale heyalu i̱ biamogo bule ibabe. I̱naga Ngode Datagaliwabe-o í̠ heyalu i̱na bi lalu koru mo hongo halu lahabe.

²⁴Anduane Homogo-o í̠ mini tigabiore kego í̠na i̱ mana mbira ko nabini kogo latagi habe. Waitigi karume manda bilo i̱ biamogo bialu i̱naga bi lahabe. Agali uruni tigua i̱ hondo oba halu bi ko lalu mine helo nahelabe laro.