Iba Gana 125:1-5

¹Wali agali Anduane Homogoha mini mbiraore wu karu ti Hari Saiono ale imiema nabi durubi nalaga hongo haabo haga ka.

²Hari wedarume Yarusaleme ho hagira bu kadagua Anduane Homogohanda ibunaga wali agali handayaho howa ho mabu bu haabo holebira.

³Wali agali ko biaga karume wali agali mana tigabi biaga karu handayaho haabo naholebira. Tigua handayaho haabo hayagua nde wali agali tigabi karume tibi nde mana ko biaga holobada.

⁴Anduane Homogo-o wali agali bayale í̠naga mana ngeru taluwa bialu haga karu tihondo í̠na mana bayale biadai bibe.

⁵Í̠na wali agali ko biaga karunaga pani nelo mialu howa wali agali maru í̠naga mana ngeru mo wahalu piaga karubi ti bibahende pani nelo miai habe laro. Isaraele wali agaliru tiha mo palia holene wia helo hameledo.