Text copied!
CopyCompare
Habo nalolene bi gahenge lo winigo ogo - Iba Gana - Iba Gana 119

Iba Gana 119:42-52

Help us?
Click on verse(s) to share them!
42Í̠na bi heneneore larigo manda buwa i̱na í̠hondo mini mbiraore wu kogome wali agali i̱hondo bi ko lararu ladai buliya í̠na i̱ pele ngulebere.
43Í̠na bi tigabiore larigonaga i̱na mini dunubia ho kogome i̱na bi heneneore hangu wali agali karuhondo latagi haabo holiya i̱ mo hongo habe.
44Í̠naga bi mana lo ngego i̱na taluwa bialu haabo holebero.
45Í̠naga bi ledegoore i̱na talialu bule bialu kogonigo mbirale ngarume hapai nahelo hameledo.
46I̱na í̠naga mana lamulene nga lariruni kini bu karu lamule i̱ taga nahe howa lamulebero.
47I̱na í̠naga bi mana lowini ngego hame timbuni lo howa talialu buaore ho kogoni.
48Í̠naga bi mana uruni bayaleoreda lo manda bu howa i̱na hame timbuni lo kogoni. I̱na bi mana debene tigabi uruni bia laridagua bialu haabo holebero.
49Bamba í̠nime ogoaleore bule lalu í̠ninaga biabe biahaga i̱hondo lo wirigo mitangi bibe. Í̠na ogoni biaore buleberedalo manda buwa i̱ mini dunubia ho kogoni.
50I̱ha gendaru anda ibugu biyangi í̠na bulebero lalu bi lo wirigome i̱ mo dengalaho helarigola homa nabi halu i̱naga bu miniha mo palia holene karulo haru.
51Wali agali mine haga bu karume i̱ mege bialu karu helowa i̱na í̠naga bi mana lowini ngago erembira mialu napiruli.
52Anduane Homogo-o í̠na i̱hondo bi ala langigi biriruni mitangi budai bigi berogome i̱ mo hongo haga biaga.

Read Iba Gana 119Iba Gana 119
Compare Iba Gana 119:42-52Iba Gana 119:42-52