Hwan 20:21-30

²¹“Namaratu ewan ya makkamu tekamuy,” kunna ha tekid, “te doban ta kam nga ange mangipadangag ta uhohug ku ta kuman na nepangidob ni Damakewan teyak,” kunna, kapye na kid inaswangan.

²²A tentu en nagaswang tekid a “Pagdulotan muy na ya Kahalwa na Namaratu nga manguffun tekamuy.

²³A ya ngamin kiden pakoman muy ta liwat da kiden gafu ta pangurug da ta ipadangag muy a yen kid hala ya pinakoman na Namaratu ewan. Ammi ta awemuy kiden pakoman gafu ta aweda mangurug a itta hala tekid ya liwat da kiden,” kunna.

²⁴Ammi ta napolu en nepakipaita ni Hesus ta ituldu na kiden a awan i Tomas tekid, ammi Siping ya agngilinan da tentu.

²⁵A sangaw ta ketta na en tekid a nebar da tentu, “Naita min ya dafu tamen,” kunda tentu. Ammi ya tabbag na tekid a “Awek sangaw kurugan ta intu am awek bit maita ya gafan na lansa ta kamat na kiden, te yaga iparubak ya guramay kin ta piglat na kiden ta kamat na kontodu hakbu na en,” kunna.

²⁶A sangaw ta takday Liggu a nagkakampat ha ya ituldu na kiden ta bali en, a nehulun hapa i Tomas tekid. A nalitupan da ha ya irwangan kiden gafu ta talaw da en, ammi ka-ma la nagtayuk i Hesus ta nagtatangnganan da en, a “Namaratu ya makkamu tekamuy,” kunna tekid.

²⁷A sangaw binaran na i Tomas. “E ka bit sin, Tomas, te itam ya kamat ku kidin. A iparubam hapa ya guramay mu ta palad ku kidin kontodu hakbu kin, te awem mina parigan ya awan mangurug am awa mangurugen mina,” kunna tentu.

²⁸“Ay, Afu, iko kad hala ya dafuk ikid na Dyos ku,” kunna hapa ni Tomas.

²⁹A ya uhohug ha ni Hesus tentu a “Mappya te mangurug kan, Tomas, gafu ta naita nak na. Ammi ta mangurugen nga awan para la nakaita teyak a pake nagāsgāsāt ammi teko,” kunna.

³⁰A addu para ya nepaita ni Hesus ta pakapangwa na ta ituldu na kiden nga awan nesurat ta lebru in yan.