23Te nakapenge e ka me sundalu te eglansang ki Hisus te krus, ingkuwa ran e ka me kumbale din wey imbaad dan te hep-at eyew due baad te tagse sundalu. Ne ingkuwa ran e man-e ka malayat ne kumbale ni Hisus, piru ware mule teyi dutu.
24Ne migmanangnangeney ka me sundalu, “Kene te re eggisien seini, ke kene, egpintut-pintut ki re ke hentew ka egpakakamuney kayi.” Neyitabu seini su eyew egkatuman ka nasulat te Kasulatan ne migkahi, “Imbaad-baad dan ka me kumbale ku, wey migpapinpintutey ke hentew ka egpakakuwa te kumbale ku ne malayat.” Ne sika iya ka innimu te me sundalu.
Huwan 19
Huwan 19:23-24