Hisabu 2:1-18

¹Mkulu Nguluwi nakawalonjela Musa na Aluni,

²“Waisilaeli wowika kambi, chila munhu kochikala hali bendela ya heye, hali ulajilo wa ivyazi lya heye. Wowika kambi kuzunguluta ihema lya Nguluwi.

³“Wala wawele wowika kambi nzingo ya kolilawila isanya, wowa chilundo cha wanhu wawele hasi ha bendela ya Yuda na chilongozi wa hewo kowa Nashoni mwana wa Aminadabu,

⁴chilundo cha heye kwa kuwawaza ndo walume elufu makumi saba na gane na miya sita (74,600).

⁵Wala wawele wowinza wanhu wa Yuda kuwika kambi, wowa nhanzi ya Isakali, chilongozi wa hewo nayawele Netaneli mwana wa Suali,

⁶chilundo cha heye kwa kuwawaza ndo walume elufu makumi gahano na zine na miya zine (54,400).

⁷Hamba nhanzi za Sebuluni, chilongozi wa hewo nayali Eliabu mwana wa Heloni,

⁸chilundo cha heye kwa kuwaza ndo walume elufu makumi gahano na saba na miya zine (57,400).

⁹Wanhu weng'ha wa wowa kuli kambi ya Yuda ndo kwa vilundo vya hewo ndo walume lachi imwe na elufu makumi nane na sita na miya zine (186,400). Awo ndo wolongola kwaluka majendo.

¹⁰“Kwa ubanzi wa kusini, wala wawele hasi ha bendela ya chilundo cha Lubeni kwa vilundo vya hewo, chilongozi wa hewo yawele Elisuli mwana wa Shedeuli,

¹¹chilundo cha heye kwa kuwazigwa ndo walume elufu makumi gane na sita na miya zihano (46,500).

¹²Baho du wala wowika kambi hafungo ha wanhu wa Lubeni ndo wanhu wa nhanzi ya Simeoni, chilongozi wa hewo kowa Shelumieli mwana wa Suli-shadai,

¹³chilundo cha heye kwa kuwazigwa ndo walume elufu makumi gahano na tisa na miya zidatu (59,300).

¹⁴Nhanzi ya Gadi, chilongozi wa hewo ndo Eliasafu mwana wa Leueli,

¹⁵chilundo cha heye kwa kuwazigwa ndo walume elufu makumi gane na gahano na miya sita na makumi gahano (45,650),

¹⁶walume vyowowa kuli kambi ya Lubeni kwa vilundo vya hewo ndo wanhu lachi imwe na elufu makumi gahano na imwe na miya zine na makumi gahano (151,450). Awa ndo wowa kuli chilundo cha keli kuli majendo.

¹⁷“Hamba, nhanzi ya Walawi naiwa hagati ha nhanzi zinji kuno wohola alyo ihema lya Nguluwi wojenda. Chila nhanzi yojenda kwa kuwinza honhu hake kwa bendela.

¹⁸“Kuli ubanzi wa kolilinguzinjila isanya, wala wawele hasi ha bendela ya chilundo cha Efulaimu wochikala mkambi kuli vilundo vya hewo, chilongozi wa hewo ndo Elishama mwana wa Amihudi,