Hisabu 26:2-27

²“Muwawaze wanhu weng'ha wa Waisilaeli weng'ha, chila munhu kota navyoiwele ivyazi lya heye. Muwawaze wanhu weng'ha wawele na miyaka makumi meli na mzidi wawele woweza kuza kitowa ngondo.”

³Musa na mtambika Eleasali nawalongasa na wanhu kuli isi iwele na ibalalika lya Moabu, kumwambu mwa lwanda lwa Yolodani ilingilola na Yeliko, nawawalonjela,

⁴“Muwawaze wanhu wawele na miyaka makumi meli na mzidi, kota Mkulu Nguluwi vyoyamlajize Musa.” Waisilaeli walawile Misili ndo awa.

⁵Nhanzi ya Lubeni, mwana wa mwaluko kwa Yakobo, ng'holo za Hanoki na Palu

⁶na Hesiloni na Kalimi.

⁷Ng'holo za nhanzi ya Lubeni nawawazigwe, nawali walume elufu makumi gane na gadatu na miya saba na makumi gadatu (43,730).

⁸Mlelwa wa Palu nayali Eliabu

⁹na wana wa Eliabu, wawele ndo Nemueli na Datani na Abilamu. Awa weli, Datani na Abilamu ndo nawali wahaguligwe hali Waisilaeli weng'ha, ila nawawalema Musa na Aluni, na kihanza na wanhu walingumuwinza Kola mhela nalowambelenhuche Mkulu Nguluwi.

¹⁰Mhela awo misanga najigubuka najiwamela, nawabagama hamwe na Kola na wala wanhu weng'ha walingumuwinza heye. Chiluli navyochiwalakaze wanhu miya mbili na makumi gahano, nawali ulanguso kwa wanhu.

¹¹Ila walelwa wa Kola nahawabagame.

¹²Nhanzi ya Simeoni ndo ng'holo za Nemueli na Yamini na Yakini

¹³na Sela na Shauli.

¹⁴Azo ndo ng'holo za nhanzi ya Simeoni, walume weng'ha nawali elufu makumi meli na mbili na miya mbili (22,200).

¹⁵Nhanzi ya Gadi ndo ng'holo za Sefoni na Hagi na Shuni

¹⁶na Osini na Eli

¹⁷na Alodi na Aleli.

¹⁸Azo ndo ng'holo za nhanzi ya Gadi, nawali walume elufu makumi gane na miya zihano (40,500).

¹⁹Na wana wa Yuda nawali Eli na Onani. Awa nawabagama kuli isi ya Kanaani.

²⁰Nhanzi ya Yuda ndo ng'holo za Shela na Pelesi na Sela.

²¹Walelwa wa Pelesi ndo ng'holo za Hesiloni na Hamuli.

²²Azo ndo ng'holo za Yuda, nawali walume elufu makumi saba na sita na miya zihano (76,500).

²³Nhanzi ya Isakali ndo ng'holo za Tola na Puva

²⁴na Yashubu na Shimuloni.

²⁵Azo ndo ng'holo za Isakali, nawali walume elufu makumi sita na gane na miya zidatu (64,300).

²⁶Nhanzi ya Sebuluni ndo ng'holo za Seledi na Eloni na Yaleeli.

²⁷Azo ndo ng'holo za Sebuluni, nawali walume elufu makumi sita na miya zihano (60,500).