Hisabu 26:11-58

¹¹Ila walelwa wa Kola nahawabagame.

¹²Nhanzi ya Simeoni ndo ng'holo za Nemueli na Yamini na Yakini

¹³na Sela na Shauli.

¹⁴Azo ndo ng'holo za nhanzi ya Simeoni, walume weng'ha nawali elufu makumi meli na mbili na miya mbili (22,200).

¹⁵Nhanzi ya Gadi ndo ng'holo za Sefoni na Hagi na Shuni

¹⁶na Osini na Eli

¹⁷na Alodi na Aleli.

¹⁸Azo ndo ng'holo za nhanzi ya Gadi, nawali walume elufu makumi gane na miya zihano (40,500).

¹⁹Na wana wa Yuda nawali Eli na Onani. Awa nawabagama kuli isi ya Kanaani.

²⁰Nhanzi ya Yuda ndo ng'holo za Shela na Pelesi na Sela.

²¹Walelwa wa Pelesi ndo ng'holo za Hesiloni na Hamuli.

²²Azo ndo ng'holo za Yuda, nawali walume elufu makumi saba na sita na miya zihano (76,500).

²³Nhanzi ya Isakali ndo ng'holo za Tola na Puva

²⁴na Yashubu na Shimuloni.

²⁵Azo ndo ng'holo za Isakali, nawali walume elufu makumi sita na gane na miya zidatu (64,300).

²⁶Nhanzi ya Sebuluni ndo ng'holo za Seledi na Eloni na Yaleeli.

²⁷Azo ndo ng'holo za Sebuluni, nawali walume elufu makumi sita na miya zihano (60,500).

²⁸Nhanzi ya Yusufu mhaza wa hewo Manase na Efulaimu.

²⁹Nhanzi ya Manase ndo ng'holo za Makili na Gileadi. Gileadi nayali mwana wa Makili.

³⁰Walelwa wa Gileadi ndo ng'holo za Yeseli na Heleki

³¹na Asilieli na Shekemu

³²na Shemida na Hefeli.

³³Selofehadi, mwana wa Hefeli hapatile wana walume ila wadala hela, na hewo ndo Mala na Noa na Hogula na Milika na Tilisa.

³⁴Azo ndo ng'holo za Manase, nawali walume elufu makumi gahano na mbili na miya saba (52,700).

³⁵Nhanzi ya Efulaimu ndo ng'holo za Shutihela na Bekeli na Tahani.

³⁶Lukolo lwa Elani nalulawa kwa Shutihela.

³⁷Azo ndo ng'holo za Efulaimu, nawali walume elufu makumi gadatu na mbili na miya zihano (32,500). Zeng'ha azo nazilawila kwa Yusufu.

³⁸Nhanzi ya Benjamini ndo ng'holo za Bela na Ashibeli na Ahilamu

³⁹na Shefufamu na Hufamu.

⁴⁰Ng'holo za Alidi na Naamani, nazilawila kwa Bela.

⁴¹Azo ndo ng'holo za Benjamini, nawali walume elufu makumi gane na zihano na miya sita (45,600).

⁴²Nhanzi ya Dani nayali ya lukolo lwa Shuhamu.

⁴³Lukolo nalwali na walume elufu makumi sita na gane na miya zine (64,400).

⁴⁴Nhanzi ya Asheli ndo ng'holo za Imuna na Ishivi na Belia.

⁴⁵Ng'holo za Hebeli na Malikieli nazilawila kwa Belia.

⁴⁶Asheli nayali na mhinza yalinguchemigwa Sela.

⁴⁷Azo ndo ng'holo za nhanzi ya Asheli, nawali walume elufu makumi gahano na zidatu na miya zine (53,400).

⁴⁸Nhanzi ya Nafutali ndo ng'holo za Yaseeli na Guni

⁴⁹na Yeseli na Shilemu.

⁵⁰Azi ndo ng'holo za nhanzi ya Nafutali, walume nawali elufu makumi gane na zihano na miya zine (45,400).

⁵¹Walume Waisilaeli wawazigwe nawali lachi sita na elufu imwe na miya saba na makumi gadatu (601,730).

⁵²Hamba Mkulu Nguluwi nakamlonjela Musa,

⁵³“Nhanzi azi zopegwa isi iwe uhalizi wa hewo wawo, kwa chiwalo cha winji wa matagwa ga hewo wawo.

⁵⁴Nhanzi ng'hulu yopegwa honhu hawo hakulu na nhanzi ndodo yopegwa honhu hawo hadodo. Chila nhanzi yopegwa honhu hake ha uhalizi kwa chiwalo cha winji wa wanhu vyowali.

⁵⁵Na ako kugawilwa kwa isi koditigwa kwa kutowa simbi. Chila nhanzi yohalila kwa chiwalo cha matagwa ga lukolo lwa hewo.

⁵⁶Uhalizi wa chila nhanzi woditigwa kwa kutowa simbi, chila nhanzi yopegwa kwa chiwalo cha ukulu ama udodo wake.”

⁵⁷Azi ndo ng'holo za Walawi ziwazigwe na walelwa wa hewo Gelishoni na Kohati na Melali.

⁵⁸Hamwe na ng'holo za Libuni na Hebuloni na Mahili na Mushi na Kola. Kohati nayali mhaza wa Amulamu.