Hisabu 16:21-27

²¹“Mibagule na Waisilaeli weng'ha wano, leka ndiwadumye sambi baha.”

²²Ila Musa na Aluni nawetoza hanyi chifunama kuno wolonga, “Hegwe Nguluwi, Nguluwi uwapele ukomu wanhu weng'ha. Ndaze, wone munhu yumwe nakadita gehile, kowazudila Waisilaeli weng'ha?”

²³Mkulu Nguluwi nakamlonjela Musa,

²⁴“Walonjele Waisilaeli weng'ha woche habehi na mihema ja Kola na Datani na Abilamu.”

²⁵Lelo Musa nakaluta kwa Datani na Abilamu, yowinzigwa na wasekulu wa Isilaeli.

²⁶Loyafichile, nakawalonjela Waisilaeli weng'ha, “Dedede, muche hali ihema lya wanhu wawele na wihe na mleche kudoliza chinhu cha hewo choneche, wone muye modumigwa hamwe na hewo kwa chiwalo cha gehile ga hewo geng'ha.”

²⁷Wanhu nawoka kuli mihema ja Kola na Datani na Abilamu. Datani na Abilamu nawalawa kuli mihema ja hewo na kwima hali lwizi lwa mihema ja hewo wawele na wachewawo na wana wa hewo weng'ha mbaka wala walingong'a.